فخر المدونين Make Some NOISE (1 زائر)

[Selene]

#تدوينة فعالية المجتمع الاسبوعية
​

​

​

​

​

​

​

ممممم النجاح بيختلف من شخص لتاني بس تعريف النجاح ك مصطلح هو لما الشخص يتغلب على عاداته السيئة​

لما شخص يخطط لشي مشروع او دراسة و ينجح فيها , لما الشخص يوصل لأحلامه و يحققها و اخيراَ لما الشخص يتعلم ​

من الماضي و ما يكرر اخطاءه بالمستقبل !​

​

ف نجي لهون انو النجاح بيختلف من شخص لتاني ف شو هو النجاح بالنسبة الي ؟ طبعا النجاح بحسو مربوط مع الطموحات ​

و الاحلام الي ذكرتها من قبل و بالاخص الاشياء المعنوية مثل الاستقرار و الإعتماد على النفس .​

​

​

ما هو معنى النجاح بنظرك ؟ * .​

​

1. ف بالنسبة الي النجاح هو لما اوصل لمرحلة من الوعي اني ادرك الخطا قبل ما يصير , طبعا انا هلأ طايشة و في كتير مرات ​

ما بفكر قبل ما اتخذ اي خطوة بالمعنى الأصح انا كل حركاتي و تفكيري عفوي . ​

​

2. و النجاح لما الشخص يدخل مجال بيكرهو مشان يوصل للي بحبو بغض عن النظر عن شو هو , بمعنى اخر انا بكره اللغة ​

الالمانية بس لازم اتعلمها لحتى اقدر ادخل افضل الجامعات بالتخصص الي بحبو ( على سبيل المثال ) ف هون انا بحكي لهل ​

الشخص انو ناجح لانو قدر يتغلب على رغباته ب انو يروح للطريق الصعب قبل السهل .​

​

3. النجاح لما تكون عندي قناعة داخلية اني ما اهتم بالماديات متل ما الاغلب مهتم فيها و المظاهر !​

​

4. النجاح لما كون مستقرة كليا و مو معتمدة ع حدا و النجاح لما كون فرحانة و مبسوطة و كون انا الي متخذة هالقرار اني كون ​

فرحانة ! لانو انك تكون سعيد مو بالسهل الا اذا كانت قناعة من جوا و من جواتك كنت متسامح مع ذاتك​

​

5. النجاح لما شوف سيارة عجبتني قبل 10 سنين و تمنيت انها تكون الي و بعد 10 سنين تكون عندي احسن منها .​

​

6. النجاح لما نلف ظهرنا للماضي حتى لو كان الماضي حلو و بتحبو و فيه كل الناس الي بتحبهم بس لفيت ظهرك لمستقبل ​

احسن حتى لو كان على حساب قلبك . لما تحط قلبك ع جنب و تتخذ قرارتك بعقلك هاد هو النجاح .​

​

7. النجاح لما تشوف كل رفقاتك تخرجوا و انت تكون بينك و بين حالك مقهور و تحكي يلا معليش اني اتأخر احسن من اني ما ​

اوصل ابداَ . ( انك تكمل الطريق حتى لو كنت ماشي شوي شوي )​

​

8. النجاح هو التضحية لازم تضحي بأغلب الاشياء الي بتحبها مشان تجيك دبل و ممكن ما تجيك بس لازم تراهن بالاول على ​

مستقبلك انو رح ينجح و مراهنتك على النجاح هو اول خطوة تجاهه .​

​

9.النجاح هو انو ما نتوقف ابدا َ عن الي عم نسويه ! و اذا حسيت بتعب اي ارتاح بس لا توقف !​

​

10. النجاح هو اني ما كون متمسكة بواحد و اعتبره كامل سعادتي النجاح هو اني انا اخلق سعادتي بنفسي .​

​

​

النجاح له اوجه كثيرة لا تنتهي ولكني حاولت ان اكتب بعضها .​

​

​

​

​

​

كيف تميز الانسان الايجابي و السلبي ؟ * .​

​

6. الشخص السلبي دائما يتذمر اما الايجابي فهو بركز على الجانب المشرق دائما​

5. الشخص السلبي دائما بقكر انو كل شي الي عندو تافه و ماله معنى اما الناجح ف كل شي حوله له معنى​

3. الشخص السلبي بينشر الانستياء اما الايجابي ف هو ما بيستنى الايجابية لتجي هو بيخلق الايجابية و بينشرها ​

2. الشخص السلبي ما بيقدر يتحمل المسؤولية و بحاول انو يتركها لغيرو اما الشخص الايجابي فهو بيقدر انو يتحملها ​

1. الشخص السلبي بحسها كتير صعبة انو يتقبل الخسارة ! اما الشخص الناجح ف هو بيعتبر الخسارة اكبر فرصة انو يتعلم​

7. الشخص السلبي ما بيقدر انو يسامح حدا خطأ بحقو اما الايجابي ف بينسى بسهولة و هاد الي بخلي السلبي يكون حقود​

4. الشخص السلبي دائما بشوف الصفات السيئة بالاخرين اما الشخص الايجابي ف دائما بينظر للجانب الايجابي من كل شخص​

8. الشخص السلبي بفكر دائما انو هو احسن من باقي الاشخاص اما الشخص الناجح بفكر دائما انو كل شخص موهوب و مبدع بطريقة معينة.​

​

،#



​

 

[Selene]

اليوم كان عنجد حلو صح الجو بقررف و كتييير حرررر , درجة الحرارة 30 بس و الله مو متل الامارات صح بتوصل 40 بس
مو نفس قوة الشمس الي هون بتحسها فوقك يا زلمة بعد شوي بتمسك فيها المهم اليوم بالكلاس صرنا ناخد عن
الاشياء الطبية بالالمانية لا و احلى شي بتعرفوا شو ؟ انو كلاس تعليمي ف عادي الواحد يحكي و يخبص ف تخيلوا مثلا لو كان
عن موضوع عندكم خلفية كبيرة عنو ف اكيد رح تندفعوا و تحكوا حتى لو ما عندكم لغة و الاستاذ بساعد . ف كان الموضوع
عن صيدلية البيت الي موجودة بكل بيت ف انا حكيت كلمة الكحول و معناه معقم طبعا هاد مو اسمو الطبي بس انو منحكي
بمصطلحات سهلة ممكن انها تنفهم و شوي شوي منحكي الكلمات الصعبة ف الاستاذة عجبتها كلمتي قامت كتبت اسمها
الطبي و كان طويل و قامت حكتلي اشرحي للطلاب معنى الكلمة الي حكيتيها و طبعا الطلاب فاهمين بس هية بدها
ياني احكي عاد انا هون توههههقت بالقو عاد مابعرف اشرح و هيك قمت حاولت اشرح حكيتلها
هالكلمة المكتوبة ع اللوح بتشبه الكحول و ماكنت اعرف شو معنى كلمة جرح بالالماني و بعدين اكتشفت انها نفس الانجليزي
يعني WUNDE بس فرق باللفظ و انا هون حسيت اني غبييييييييةحكيتلها مع الايد و صرت اشرلها
وماعرفت شو معنى كلمة جرح بس جرح يازلمة ماكانت تجي ببالي قمت اخر شي حكيت مابعرف و استسلمت
الله وكيلكم شكلي كان نفس الهندي الي بيحكي عربي
? BUT AT LEAST I TRIED RIGHT < عم تواسي حالها .

المهم و اخدنا عن الاكل الصحي و شو الاكل الي لازم ناكلو و شو الي لازم نتجنبو ؟ و ليش لازم نتجنبو و شو بيعمل بالجسم ؟
و اخدنا فقرة معلومات عن النباتيين و ليش هن نباتيين و شو بياكلو . كان عنجد موضوع حلو ياخي مابعرف هو الموضوع حلو
ولا اللغة الالمانية حلوة ؟ لاني حاسة الموضوع عادي يعني

المهم ما علينا نروح للموضوع التالت الي انفتح بالكلاس و هو كان عن المخدرات القانونية و غير القانونية < عاد هون لعبتي
بعشق هالمواضيع لما تنفتح لاني درستها و تعمقت فيها بحب اني اعرف عن هالاشياء و كيف انصنعت مشان حصن عقلي ضد
هالاشياء هاد غير اني اخدتها بالمدرسة قبل ما تكون ثقافة عامة و طبعا الطلاب بس بيعرفوا الحشيش كأنو مافي غيرو
بالمخدرات ! < نفس الواحد لما يكون حافظ بس مو فاهم > و مابيعرفوا انو في مليون نوع الهم في كوكايين و
هيروين و كريستال ميث و ترامادول < عاد هون الاستاذة عمرها ما سمعت فيه > و LSD و MDMA و كتير غيرهم طبعا عاد
و انا عم احكي عنهم و الكل ساكت مفكريني بتعاطى بس احلى شي اني كون بعرف بهل الامور
و انا اصلا ولا فكرت اني جرب لانو بعد المعرفة فيها الواحد بيقرف بمجرد التفكير فيها على اد ما فيها سموم. طبعا في مخدرات
قانونية بتستعمل للعلاج و هالنوعية من المخدرات مانها سامة بس ما بتنعطى الا بوصفة طبية بسبب قوتها و سوء استعمالها .
بكفي انو الناس اخدت دوا السعلة مشروب نفس الكحول صارت الناس تسكر من ورا فشو بتتوقعوا الناس
تسوي اذا كان الترامادول ولا الحشيش قانوني ؟ للعلم انو بألمانيا الحشيش قانوني ل 100 غرام بس اكتر عن هيك بتنسجن
< على اساس انك دخلت من باب انك عم تروج ع اساس في فرق .

المهم هالموضوع عنجد كتير بيجذب انتباهي مابعرف ليش حتى كتير تعمقت بالكريستال ميث بسبب مسلسل بريكنق باد طبعا
قبل ما احضرو بكم سنة كانت اختي عم تسوي بحث عنو للجامعة و صارت تحكي عن مساوءو و كيف بينصنع و شو بسوي
بجسم الانسان و انا من هون اجاني فضول اعرف اكتر عنو خاصتا انو اسمو مثير للاهتمام و ليش سموه كريستال ميث
و ياريت لو ماعرفت . و ان شاء الله لي تدوينة قريباَ جدا عن هالموضوع موضوع المخدرات طبعا من الناحية الكيماوية
و مخاطرها .







​

 

[Selene]

تم حذف التدوينة بسبب حالة وفاة
اللهم ارحمه و اغفر له و انظر اليه بعين لطفك و كرمك يا أرحم الراحمين .


#Milli الله يصبرك يارب .


​

 

[Selene]

​

​

​

​

​

​

​

​

​

مرحبا ياحلوين . اليوم كان كتير حلو مع انو اول اليوم شكيت يكون حلو و كنت حاطة ببالي يصير شي يعكر ابو المزاج فهل​

الشي ما خلاني اتسمتع فيه الا بآخر اليوم < فيها دودة انو مافي يوم ممكن يكمل ويكون كلو فرحة ​

​

المهم رحت للكورس و فكرت رح يكون متل اي يوم روتيني ممل . و فجأة قالت المس انو رح تاخدنا ع المكتبة العامة بالمدينة​

طبعا هي قالت قبل انها رح تاخدنا بس مافكرت انو اليوم . ف رحنا للمكتبة و صارت تورجينا خواصها وشو ممكن نعمل فيها ​

و ورجتنا اقسامها . بصراحة المكتبة كانت كتير حلوة و الاحلى انها فيها العاب متل Puzzels و العاب كتيرة فيني اجي مع رفقاتي​

و نلعبها بالمكتبة هالشي عنجد كان غريب علي يعني فكرت المكتبة بس للقراءة طلعت ممكن قضي كل اليوم فيها والاحلى​

هو قسم الطبخ موجود كتب خيير الله عن وصفات الاكل و العصاير و اكتر شي لفت انتباهي كتاب عن كيف فيني سوي سلاش فواكه​

و مكتوبة الوصفات شكلي رح ارجع على المكتبة بس مشان هالكتاب لاني من عشاااق السلاشات و اكيد عرفتوا هالشي من ​

موضوعي عن العصائر . ​

​

قبل كم سنة كانت اتفنن بالعصاير و اكتشفت وصفات جديدة بس لما انتقلت على المانيا بطلت كل هالمصلحة لانو معدات العصاير​

الغريبة غالية متل حليب جوز الهند رح ورجيكم كم من صورة من العصاير الي سويتها ومشروبات كنت عنجد حب هالشي​

طبعا كنت اشرب شفة و اشبع و كلو ينكب و اهم شي كون محتفظة بالصورة < انا بسوي العصير بس مشان التصوير ​

​

​

​

​

​

​

​

^ شو رأيكم ؟ مع اني نسيت كيف سويتهم لانهم قديمين . الاول ع اليسار هاد دوتكس ووتر سمعت انها مفيدة للدايتف سويت قطع فواكه و حطيتا بالمي منها بشرب مي ومنها بسحب ع الفواكه قصدي باكلها[الي ع اليمين صدقا نسيت كيف سويتها يمكن مع حليب < احلفي تاني صورة ع اليسار كان مكس بين عنب و توت و فراولة < الحمدالله ​

اني بحط الفواكه الي استخدمتها بالتصوير ولا ماعرفت الي ع اليمين دراق و عنب < بعشق العنب الاسود لانو حلو​

اخر سطر ع اليسار هاد كان موهيتو ع اساس < حطيت شراب الفيمتو لحسة انو بس يضيف نكهة و نعناع و رشة سكر فوقهم بدون ما حركها وثلج الي ع اليمين كان توت و فراولة بس الفراولة حطيتها كلها بالخلاط ف ماقدرت صورها مع التوت بالنهاية ​

​

المهم نرجع لموضوعنا طبعا المكتبة فيها كتب باللغة الالمانية و باللغة الانجليزية و كتب تعليمية بالعربي للالماني عنجد كتير​

حلو وفيني استعير كتب لمدة شهر و رجعها بس للأسف جد جد من عشاق القراءة و حاولت قبل كتير اني اقرأ و حبب حالي بهل​

المجال بس للأسف مخي كان من النوع الهايبر الي فيه طاقة بس كمان مو يعني اني مو مثقفة بحب كتير اقرأ مواضيع عامة​

بس رؤوس اقلام ك اني اخد فكرة عنها وهيك بس ككقراءة و رواية فيها 500 صفحة مستحيل .​

​

المهم فبتعرفوا انو بالمكتبة ممنوع نحكي بصوت عالي و انتوا بتعرفوا العرب لما يدخلوا مكان الله وكيلكم الضحك​

ماوقف و المس عم تقول وطوا الصوت ووطوا الصوت و انا افرط ضحك على ردة فعل المس عاد انا لما بدي اكتم الضحكة​

بصير وجهي احمر ف صرت سوي انا وكم واحد ع اساس عم نقرأ مشان المس ما تحكيلنا خدوا كتاب و قراوا​

كنا نعمل حالنا انو عم نقرأ و نحن عم نحكي من تحت لتحت .​

​

​

​

​

​

 

[Selene]

انا من اليوم عم جهز مواضيع الدورة مشان ما انضغط فيها اخر شي و انا عارفة اني رح انضغط لانو اي شي
بخاف منو بصير مشان هيك مارح خاف اني انضغط مع اني رح انضغط بس نقول اني ماعم فكر مشان
ما يصير < .

المهم مجهزتلكم دروس رح تشكروا المعلمة زينة على هيك دورة مارح تكون روتينية ابداَ و الاهم مارح تكون
دروس تصميم نسخ و لصق . المشكلة هالنوع من الدورات بحسها مابتعلم شي ! لانها منطبق نفس الدرس
بدون مانطلع منو و التصميم كلو ع بعضو عالم الخيال و الابداع و انا كون منحصرة بدرس معين و على اساس اني
تعلمت منو دروس التصميم مفيدة من ناحية الافكار الجديدة و اقدر جرب طبقها ع تصاميمي الخاصة او اعداد
معين بالفوتوشوب مابعرف سويه اما النسخ و اللصق ابدا ما كنت مؤيدة لهل الشي حتى مرة واحد كتب بموضوع
درس كنت مسويتو انو عادي لو كان مختلف عن تصميمك ؟ لانو الي بيعملوا دروس مابحبوا انو التصميم يكون
مختلف عن تصميمهم ! و انا انصدمت هون لانو انا كتير بحب مصمم ياخد فكرتي بدرس معين و يطور فيها
بأسلوبه هاد هو التعليم برأيي . و متل ماحكيت بموضوع الدورة النسخ قانوني للمصممين الجداد الي لسا ما
اكتشفوا اسلوبهم بالتصميم بس مانو قانوني لبعدين .

المهم رح حط كل مجهودي بهل الدورة و ان شاء الله رح تكون من انجح الدورات الي سويتها لسبب واحد اني
ماحبيت موقغ اد ما حبيت انمي تون < ماعم مسح جوخ والله هي الحقيقة حتى اعضاءه عسلل .
المهم حاجة مدح لاني مابحبو . هلأ عناوين الدروس الي بيقرأها بفكرها دورة روتينية ولكن !! الخافي اعظم


المهم مابدي احرق عليكم اشياء حلوة من الدورة < يا حبي للحرق . المهم هلأ جايني وجع راس مو طبيعي
حاسة شوي و رح ينفجررر كل هاد من العدسات المشكلة عندي نقص نظر عالي و عم استعمل العدسات الطبية
وماعندي نظارات مع اني نفسي سوي بس لهلأ ما استلمت التأمين الطبي مشان روح ع الدكتور و لهلأ يعني
عم عاني من موضوع العدسات . يعني قبل كان عندي نظارات كنت ريح عيوني بالبيت و البسهم بس لما
اطلع و طبعا اغلب وقتي بالبيت ف ماكنت حس بشي . هلأ صار يجيني جفاف بالعين مو طبيعي ومابشوف ابدا
يعني عم حسو عم بأثر على عيوني و انا بعرف انو بأثر بدون ما حس و فوق هاد صارت عيوني تتحسس من الضو
العالي متل لو كانت مغيمة الصبح مافي شمس بس في ضو اي هاد الضو مابقدر فتح عيوني فيه كيف لو شمس
. المهم و فوق هاد كلو ضو اللاب على اد ما بوطي الاضاءة على اد ما بكون عالي و اذا وطيت الاضاءة
كتير ببطل شوف نفس الخلق لانو ماعم شوف يعني لا اني عليتو محلولة ولا اني وطيتو محلولة .

المهم ماعلينا من كل هاد مع انو الموضوع كتير زاعجني ومابسدء ايمت جيب نظارات و افتك . مابعرف
ليه صرت مل من الكورس مع انو اول ايامي فيه كانت حلوة و كنت روح كل يوم و انا متحمسة و عندي هدف و
على اساس ادرس بالالماني و فجأةة ! تغير كل شي و هلأ بصراحة الي ناوية سويه اني كمل مستوى B1 و بعدها
ادخل جامعة بالانجليزي لاني قرفت من كل هالروتين و الناس الزبالة الي بالكورس ! اصلا هن الي كرهوني بأبو
اللغة بس ادخل جامعة بالانجليزي بصير بتعرف ع ناس نفس الخلق و بقدر وقتها اتعلم الماني ع راحتي بدون
هالضغط تبع انا لازم انجح اذا ما نجحت مارح اقدر ادخل جامعة و رح تضيع سنة من عمري ع اللغة و الخ من هال
التفكير الي بخلي المخ ينفجر !! ترا الي بالكورس هيك . انا ماكنت فكر هيك لحتى اختلطت بهل الفئة . ف دام
عندي الانجليزي بجيبتي ف هي اعتبرها الورقة الرابحة مع اني عارفة انو الدراسة بالالماني احسن ( مو ك شهادة
طبعا كل الجامعات الالمانية ان كانت باللغة الالمانية او الانجليزية ممتازة ) ولككن من ناحية التدريس هون كتير
بيهتموا بالالماني اكتر ف مشان هيك . و على كل حال لما اطلع برا المانيا مارح يسألوني انتي درستي بالألماني
ولا انجليزي ؟ هن رح يشوفوا الشهادة طالعة من المانيا و يسكتوا دام صارت الشركات تشتغل ع الدولة مو على
الخبرات ف عنجد مو طبيعي الملل الي صابني فجأة ! هلأ اذا اخدت B1 بكون تعديت كتير مراحل معاناة مشان
متطلبات الاقامة الدائمة . هالموضوع جد زاعجني و نفسي ارجع اتحمس نفس اول بس حتى حاسة جيتي لهون
و المعاناة الي مريت فيها ماكانت كافية جد منحبطة بشكل .

سوري طولت عليكم انا بغيب شهر و برجع معي جريدة . المهم ان شاء الله بالتدوينة الي بعد هي
طبعا مارح يكون اليوم لاني رح روح ع النوم مو قادرة فتح عيوني من الوجع . حابة احكيلكم عن جيتي ع المانيا
مع الصور اعتقد رح تكون تدوينة مثيرة للإهتمام و فيها اكشن كتير .

و بكرا بعدل ع التدوينة و بنسقها بس لازم تنزل اليوم متل كتير تدوينات سحبت عليها و قلت بكرا بنزلها و لهلأ
مانزلت للأسف . و هلأ تصبحوا ع خير ياحلوين نلقاكم في تدوينة اخرى .


​

 

[Selene]

مرحبا يا حلوين رجعنالكم من بعد غيبة < اي غيبة بس . اليوم كان متل كل يوم بس مو متل كل يوم
كل يوم طبعا انا بروح ع الجم يومياَ مشان نرجع ما اخذه الزمن حاسة في تغيير و هالشي كتير مفرحني
و اخدت كم صورة طولية مشان شوف الفرق بعد كم شهر . طبعا انا مو كتير بحب اتصور صور طولية مابعرف
ليه يمكن لأني ما عندي مراية بالطول بالبيت طبعا اخدت صورة اول ما تسجلت وكان من 4 شهور و هلأ اخدت
صورة باقي اخر صورة و كون بإذن الله وصلت لهدفي .

المهم حزروا شو ؟ بصراحة انا مصدومة ف كيف انتوا لا و قال يعني بدي اعمل حالي اني منفتحة والله العظيم
اني بكره كون من هالنوع اني شوف شي جدا جدا سيء و وقف معو بس لانوو متفتحة ع العالم الخارجي قرف الي
يقرفهم ياخي . تخيلوا اول شي يكون استاذي ملحد و مشيناها مع اني انصدمت لما عرفت و لما تعمقت عرفت انو
هون نسبة الملحدين كتار يعني اكيد ما تصدف قابلي شي ملحد بس ما تخيلت يكون استاذي < شسالفة

المصيبة التانية الي كانت تتداول عنها اشاعات بالصف انو الاستاذة ليزبيان يعني سحاقية ؟ وات ذا فاك
واحد من الصف قال شافها بحفلة لل Gays و بتعرفوا هون كتير بيحتفلوا فيهم و بيعملوا يوم الهم و هيك و في
حفلات خاصة لل gays و بيرسموا على جسمهم العلم القوس قزح ومابعرف شو قام رفيقي شافها و هية حاملة
العلم و مع رفيقتها قام حكالي هية منهم انا حكيت لا مستحيل اكيد هو مغلط ولا مشبه .

و اذ ؟؟؟؟ انو طلع عنجد هالكلام صحيح اليوم كانت حاطة ستيكر ع ايدها علم القوس قزح من الحفلة و ماكان
يروح ف قام نفس الشخص الي شافها سألها شو هاد الي ع ايدك قامت صارت تشرح ع اللوح تخيلوا
و صارت تشرحلنا عن تاريخ ال Gays Proud و كيف بلشت الظاهرة بعمري مافكرت انو الحرية هيك
هي مو حرية هي شي تاني مش رح قولو المهم ف قام سألها سؤال مباشر قالها انتي
مشاركة معهم قالت اي و بعدين سكتت و كملت وقالت انو انا كمان منهم و قالت انو مو الحرية للجميع ؟ يابيييييي
شو هالتفاهة و القرف المشكلة كيف بدي احترم هيك اساتذة ؟ واحد ملحد و راعي بنات و حركات
< اي اي والله راعي حركات و شي بقرف يعني و الاستاذة الي كنت شادة ضهري فيها طلعت من الي بالي بالك
ياللهههه انا شو سويت بحياتي لحتى شوف هيك اشكال و اتعامل معها و المصيبة انو مو مبين عليها ابدا!!!
يعني حركات جدا عادية و لو هي ما قالت ما كنت صدقت ولا عرفت !!

الحمد الله على نعمة الاسلام على اد ماني متفتحة و ممكن اني كون بعيدة عن الدين بس مستحيل وصل
لمرحلة من التفتح اني ادعم هيك ناس او حتى اني اتعامل معهم صحيح هن اليفين ما بيأذوا بس مستحيل
اتعمق بعلاقاتي معهم ك صداقة طبعا

فعلا الي قال لما تروحي ع اوروبا رح تتمسكي بدينك اكتر و ما كنت افهم شو معنى هالكلام لحتى اجيت لهون
و شفت قدامي . ع اد ما بسوي و بعمل اشياء تكون خارجة عن الدين شو ما كانت مستحيل مستحيل اني صير
نفسهم بهل الانفتاح المقرف . و بضل في حبل وصل بيني و بين ربي مستحيل ينقطع . في انفتاح حلو
و انفتاح مقرف عاد هاد من النوع المقرف . الله يرحمنا برحمته احسن شي


​

 

[Selene]

Sankt Wendel | Germany


في اول لقاء لنا سألتني: هل تشربين القهوة ؟
اجبتٌ كاذبتاَ بنعم . . انا للقهوة اهوى !!
خشيت أن تظن اني صغيرة على الحب . .
و على مرارة القهوة . . !

حدثتني طويلاَ . . و سألتني كثيراَ و أجبتها . .
بكل نشوى . . ! و ببطىء انا . . ببطىء ارتشف . .
من القهوة . . ممتعضة . .
و في منتصف الفنجان . . او منتصف الحديث
حقاَ لا أذكر . . قالَ أٌحبك !!

و كنتٌ أخذ من فنجاني رشفة . . !
و منذٌ ذلك اليوم . . أصبح للقهوة مذاق الحب !
و للفناجين النجوى . . !
وكلما أشتقت لكلمة أحبك . .
وضعت على النار الركوة . . !
و تركتها تغلي . . و تغلي . . الى ان يهتف الحب !
بداخلها الرحمة . . !

أرتشف من الحٌب فناجين و أتلذذ بها عنوة . .
عن تركي لإدماني لا حيلة لي . .
ولا قدرة . . هذه قصتي .
فهلا عذرتم عاشقة القهوة ؟


"☁،


​

 

[Selene]

Oberlinksweiler | Germany

هل ستنتهي أم لا ؟
هذا ما تقوله . . هكذا تمر فيه .
النفق . . الليل . . الألم . . والحب . .
هل ستنتهي أم لا ؟

إذا لم تشرق الشمس أبدًا . .
ستجد وسيلة للعيش . .
بدونها . . !

إذا لم يعودوا . .
ستنام في منتصف السرير . .
وستتعلم كيفَ تصنع ما يكفي من القهوة . .
لنفسك وحدك . . !

التكيف . . التعدل . .
هل ستنتهي أم لا ؟
هل ستنتهي أم لا ؟
نحن لا نهلك . . !

"??،


​

 

[Selene]

#تدوينة فعالية المجتمع الاسبوعية


هل شخصيتك في المنتدى هي نفسها خارج المنتدى ؟

فور شور لا بضل النت اقل بتوصيل المشاعر و لغة الجسد معدومة و دام انو التعابير و لغة الجسد
تعتبر من الشخصية حتى طريقة الكلام ( الصوت ) و النبرة تختلف و كل شي ف اكيد مو نفس الواقع

يعني الشخصية مو بس اسلوب الكلام الشخصية هي كل شي بيعملو هالشخص من حركات و عادات و في
بعض العادات منحكي عنها ( صارت من شخصيتي ) لانها عنجد بتندمج مع الشخصية

يعني الي بشوفني هون شي مختلف تماما عن الواقع مع اني عم حاول كتير اني بين نفس مابكون ع الواقع
بس كتير صعب و خاصتا انو بضل عالم افتراضي ومانو حقيقي

مع انو بالنت عندي كم صفة مشتركة بالواقع متل الضحك ع اي شي و الحماس ع شي معين مابعرف
لو انتبهتوا على هالشغلة طبعا هالاختلاف بحسو انفصام بالشخصية بس حلو من شو بيشكي


​

 

[Selene]

#تدوينة فعالية المجتمع الشهرية

ماذا فقدت في حياتك الخاصة .. بعد دخولك عالم الانترنت وماذا كسبت في حياتك من دخولك عالم الانترنت ؟

مابكذب عليكم اصدقاء النت صاروا اكتر من الواقع و هالشي مو منيح لازم موازنة بين التنين خاصتا انو الافتراضي
بضل افتراضي عكس الحقيقي لانو بالعالم الحقيقي نحن منعيش حياتها مو بالافتراضي ! ف لازم نشتغل ع حياتنا
الحقيقية و نبني صداقات و هيك . و فقدت الوقت مثلا و انا بقضي كل وقتي بالمنتدى او حتى ب اشياء تانية غير
المنتدى ماعدت اهتم بطلعات او علاقات الاجتماعية لاني ماعندي وقت او ممكن اني وصلت لمرحلة متقدمة
اني برتاح بالنت و اصدقاء النت اكتر من طلعة عادية و روتينية . بطلت اهتم بحياتي الخاصة متل مابهتم هون
يمكن هالشي مؤقت لحتى اطلع للحياة العملية ؟

اما بماذا كسبت ف كسبت كتير اولها اني تعلمت ع كتير برامج ماكنت احلم اني اتعلمها ! و لو حتى ابسطها !
و صار مخي كتير متقدم بتحليل المشكلات عكس قبل ! لما تواجهني مشكلة ماكنت اعرف كيف حلها مع انو
النت عالم جدا جدا ضخم و مع هيك ماكنت اعرف ! تعلمت كتير حل هالمشاكل او اي مشكلة تواجهني ان كانت
بتخص النت و الكمبيوتر او مشكلة بالحياة العملية يعني خارج النت . صرت اعرف تكتيكات و اساليب كيف لاقي
اي شي بحتاجه من النت عرفت انو النت متل الانسان بيسمعلك بس انت فضفضلو عاد هي انا ما كنت افهمها
و خاصتا انو اهلي صاروا يجوني اذا بدهم اي مساعدة مع انهم قبل كانوا متقدمين اكتر مني بالتكنلوجيا



​