فخر المدونين Make Some NOISE (1 زائر)

[Selene]

التدوينةة الشهريةة
تحدث بالتفصيل عن : يوم من أيامك خلال هذا الشهر ؟ لحظة شعرت بها بالفخر ؟ أكثر ما يخيفك بحياتك ؟


يوم من أيامك خلال هذا الشهر ؟

هو نفس يوم السفر بس لأن سفري كان يوم الجمعة ساعة 3 الصبح يعني بلغتنا كأني مسافرة
بيوم الخميس ! و بيوم الخميس كان عندي موعد عند دكتورة الاسنان و بصراحةة كنت رايحة
احكيلها لا تشيلي اي سن بس صلحي و بدل ما تشيل السن الي المفروض تشيلو بالاول راحت ضحكت
علي و شالت واحد تاني مابعرف انا شو سويت وقتها ؟ هيك كان وشي < بصراحة سالفة اسناني
سالفة طويللةةة . . المهم حكتلي انهم مارح يلتهبوا ع السفر لان الجو بكون بارد و البرد ما بخلي السن
يلتهب المهم بهاد اليوم عطتني شي 4 اببر بنج لان جد كنت حس بالوخز و بآخر شي لما طلعت من عندها
كنت دائخة موت و تعبانةة و بهل اليوم كان علي شغل فوق راسي مشان السفر . . و ما رتبت شنتاية السفر
ولا رتبت نفسي ولا شي و كان لازم اصبغ شعري و سشور شعري و سوالف تانية كتيرةة و ماكنت مسوية شي !
رحت حاولت نام ساعتين بعد عناء طويل قدرت نام ! بعدين لما قمت تخيلوا رحت نزلت موضوعين بالمنتدى
قديشني انا متفيقة ؟ المهم سويت كل الي علي و كانت الساعة لسا 11 قمت قعدت نزل
بهل الاغاني لان الطريق طويل و ممل نوعا ما ف قلت ممكن الاغاني تسليني مع انو اخرر مرة نزل اغاني
ع الموبايل من اول ما شتريتو يعني من شهر 11 السنة الماضية المهم و رتبت حالي و كل شي و تخيلوا
اني مو نايمة غير ساعتين بس و سحبتها لل 3 الصبح مشان اطلع لان مو مستاهلة نومة كم ساعة للموعد
و طلعت و تخيلوا قضيت كل الطريق كان تقريبا 9 ساعات و انا نايمةة وربي ماحسيت لا بالوقت ولا
بالطريق و بالقطار السريع هاد كان اطول وقت فيه تقريبا 4 ساعات و انا ناااااااايييمةةة
و الاحلى انو هالقطار مريح لانو يعتبر قطار دولي ف حاطين مخدات و هيك نفس نظام الطيارات و كيفت
و جايبة اكلاتي و شوكولاتاتي معي كمان و ما بصدق اني وصلت برلين ساعة 1 الضهر و انا ساحبتها
من مبارح بصراحة ما بعتبر نومة المواصلات نومة . . بصراحة عنجد كان احلى يوم بحياتي مع اني
كنت تعبانة كتير و الدكتورة وصفتلي بروفين قوي مشان لو حسيت بوجع و الحمد الله ماحسيت بأي وجع
و لحد هلا ما استخدمت الدوا . .

لحظة شعرت بها بالفخر ؟

كانت لما تخرجت من المدرسة قسم علمي . . و ما توقعت وقتها من الاساس اني انجح هههههههههه
مابعرف بس قلت غاسلة ايدي بس سويت الي علي اهم شي والله بآخر شهر من الامتحانات
درست دراسة درست دراسة لحتى طلعت من عيوني و درست نماذج بترجع لسنة 1900 و خشبة
طبعا هاد تشبيه بليغ بس درست نماذج سنين القبلية و اكتر من 5 نماذج للامتحانات و كان عندي 3
اساتذة خصوصية فيزيا و رياضضيات و كيميا كان يدخل استاذ و يخلص وقتو و يجي الي بعدو
هيك ورا بعض ورا بعض و باليوم تصدف يجوني ال 3 يعني شو اخر اليوم بكون راسي صار متل
الطبلة بس و نجحت بمعدل بدخلني طب ما تخيلت وربي . .
و بالتخرج هيك لما لبست عباية التخرج و الطاقية و كرمتني مديرة المدرسة بالشهادة يالله حسيت
اني كبرت و شفت اهلي من بعيد لما نادوا ع اسمي مشان استلم الشهادة و الكل قاعد
يصفر و يصفق و اهم شي اهلي قلبوها عراضة يئبشوني اهلي ما اطيبكم . .
و تاني مرة شعرت فيها بالفخر لما اخدت علامات كتير منيحة بامتحان اللغة الالمانيةة
و لحظة تانيةة و هي حسيت فيها بصراحة لما نحفت 13 كيلو و رفقاتي القدام لما شافوني انصدموا
و كلن يسألوني شو سويتي بحالك و كيف نحفتي هيك لان الي صار كلو من جهدي 100% بدون
مساعدة الفعلية من حدا . . ( ما عدا اخي بحب قدملو شكر خاص لأني هو السبب الي خلاني
حب الجم و اتعلق فيه ) . . و لحظة تانيةة لما دكتور الجامعة كنا بكلاس الفوتوشوب . . اول شي
كان لما بدو يضرب مثل دائما يضربو فيني لاني اثبت جدارتي بالتخصص و ابداعي فيه بأول يوم
و حكا للكل انو هالبنت بنت مبدعة بس ما الها خلق تشتغل < هالشي ضحكني بس كلامو صح
و لو انتبهتوا انو ممكن تلاقوا تصاميم الي اي كلام بس لما اتقصد اني صمم بقلب و ضمير رح تشوفوا
تصاميم رهيبةة . .

أكثر ما يخيفك بحياتك ؟

اذا قرأتوا اغلب تدويناتي كانت تحكي عن الوحدة اي اكتر شي بخوفني الوحدة و اني اتعلق بحدا و يروح
لاني من النوع الي بيتعلق بسرعة و خاصتا بالذكريات . . حتى بحس لأماكن الذكريات الها ريحةة و قلبي
بحسو بارد حتى لو كانت الذكريات حلوة و سعيدة و هاد الي بخوفني اكتر لما الذكريات تكون حلوة مو
بشعة لاني لو بشعة بحكي يلا منيح شر و راح بس الحلوة شو احكي ؟ مع انو انا اغلب الوقت لحالي و اغلب
الاشياء الي بعملها لحالي و تعودت اسعد حالي بحالي و شجع حالي بحالي . . بس الحمد الله انو هلأ معي
شخص كفاني ووفاني عن كتير ناس و اصدقاء هو معي بكل شي و بحمد الله انو هيك شخص موجود بحياتي
ماعدت حس باحساس الوحدة من لما تعرفت عليه و صرت كتير مبسوطة و سعيدة من جوا و متفائلة بكل
شي و انو لسا الحياة فيها اشخاص مناح و اني مارح ضل طول عمري وحيدةة . .



​

 

[Selene]

-


تابعة لتدوينة الجميلةة @SAIRYU لتحدي العجز
ان شاء الله اقدر عليهم بهل المدةة . .

تحدي العجز خلال الشهر

نزل 4 مواضيع إدارية
ادخل تكريم الدرجة الاولى بفريق المبدعين
رد على المواضيع سابقة
تابع الاقسام الي مسؤولة عنها هالشهر

تحدي العجز خلال الاسبوع

كمل موضوع قاعدة اشتغل عليه
سوي مراجعة للغة الالمانية
نزل تدوينة بمدونتي
قيم التصاميم بمسابقة التصميم

اذا طلع شي بمخي رح زيد


​

 

[Selene]

-






مرحبا يا حلوين من زمان و انا عم فكر اني اعمل تدوينة عن اللغة الالمانية
لاني عنجد حيرانةة بسبب صعوبةة اللغةة و انا عارفة اذا بلشت مارح اخلص
لانو هاللغة بحر كلما عمقنا فيها كلما طلعلنا قواعد و كلمات جديدةة

تاني سبب . . خايفةة ماتكون هاللغة مرغوبةة لأعضاء التون بسبب انها غريبةة
ومانها منتشرةة كتير . .

تالت سبب و الاهم . . انو قبلوني بكورس B2 و اخيراَ و رح ابدا فيه
تاريخ 18.3.2020 < طبعا تم تأجيله الى وقت اخر > ف قلت سوي هالموضوع
منه تستمتعوا فيه و منه انا راجع معلوماتي باللغةة لأنو بيحكوا افضل طريقة للتعلم
هو التعلم بالتدريس

بس و اخيرا قررت اني سوي هالتدوينةة و ان شاء الله وفي حق هاللغة الرائعةة
الي بسميها عنجد لغةة غريبةة و انو الواحد لما يتعلمها بكون تعلم لغة جديدةة

* و بليز يا حلوين اذا حبيتوا هالتدوينةة احكولي لأن اذا شفت جد تفاعل رح كمل
بهل التدوينات بس طبعا مو ورا بعض لحتى تختنقوا بس انو هاد بكفي يكون
سبب اني كمل *

ف مارح طول عليكم يلا نبلش ؟

نظرة عامةة عن اللغة الالمانيةة

حابة وضحلكم اول شي مستويات اللغة الألمانيةة من المستوى الضعيف للمستوى
القوي و الفرق بين امتحان تقييم اللغة الالمانيةة و الانجليزيةة :

A1 . A2 . B1 . B2 . C1 . C2

من اليسار لليمين الترتيب من الضعيف للاحترافي . . طبعا تقييم اللغة الالمانية يختلف عن
تقييم اللغة الانجليزية فإمتحان اللغة الانجليزية تجمع جميع المستويات مع بعضها ممكن ان يأتي
الامتحان سهل كمستوى ال B1 ومن الممكن ان ياتي صعب كمستوى C1 اما امتحان تقييم
اللغة الالمانية فالوضع مختلف . .

كل مرحلة لها امتحان خاص فيها و قواعد خاص فيها و مستوى كلمات خاصةة فيها . .
و هذا الشيء قد يسهل ( ولو قليلاَ ) امتحانات اللغة الالمانيةة اي انك عندما
تدخل امتحان ال B1 مثلا ف انك تعلم جيداَ انه لن تأتي قواعد من المراحل الاعلى . .

الشخص الذي يأخذ مستوى ال B2 هذا كافي ووافي ان تتكلم اللغة الالمانيةة بطلاقةة
ف لغة الشارع في المانيا هي بمستوى ال B2 وجميع الالمان يتكلمون بهذا المستوى
تقريباَ . . فال C1 هو مستوى عالي و يصنف تحت مسمى ال HOCH DEUTSCH اي تعني
بالعربيةة الألماني العالي . . و هذا المستوى مطلوب فقط للدراسة بالجامعات الالمانيةة
او الدراسات العٌليا . . اما ال C2 هذا المستوى يأخذونه البروفيسورات الذين يدَرِسونَ بالجامعات
وهذا المستوى لا يتقنه جميع الالمان حتى فهو عالِ جداَ كمستوى اللغة العربية الفصحى المرتفع
على سبيل المثال ف نحن حتى كعرب لا نتقن لغتنا بشكل متعمق ! و هذا المستوى يصنف تحت
مسمى WIE MUTTER SPRACHE اي مثل لغة الام . . اي ان مستوى ال C2 عالِ
و لو كانت لغتك الام ليست الالمانيةة و اخذت مستوى C2 ف انك تصنف في المانيا ضمن
المتحديث الامانيةة ك لغةة الام . .

طبعاَ امتحانات تقييم اللغة الانجليزيةة عندها اكثر من امتحان نفس التوفل و الايلتس
و الامتحانات الالمانيةة تشبهها ولكن هنالك نسبة صعوبةة و سهولةة بين كل امتحان
تختلف المقارنةة فيها باللغة الانجليزيةة . . فهنالك امتحان يسمى بال Telc و هذا نفس الذي
انا اخذته هذا امتحان من افضل امتحانات اللغة الالمانيةة . . اي انك اذا اخذت هذا الامتحان
و كان على ورقة الشهادة ختم ال TELC اي انك مؤهل ان تدخل الجامعات او الدراسات العليا
و هنالك DSH و هو اختصار لِ
Deutsche Sprachprüfung für den Hochschulzugang
و تعني بالعربيةة امتحان اللغة للوصول إلى الجامعة . . و من اسم الامتحان هاد بكون اقل مرتبة
من ال TELC لان هذا الامتحان يأخذونه طلاب المدارس بشكل خاص و في معاهد الغات تأخذ
هذا الامتحان و طبعا هذا النوع من المعاهد ليست بنفس جودة المعاهد التي تقدم امتحانات telc . .
ف عندما تريد الذهاب الى الجامعة يعتمدون اكتر على امتحانات telc لانها الافضل ثم DSH
و هنالك امتحانات GOETHE هاد يعتبر اعلى امتحان الماني و اصعبهم كلهم . . بس لو قارنا
مستوى الصعوبة ب امتحان Telc ف رح يكون شوي اصعب . . بس بشكل عام القوتا يعتبر
الاصعب و معتمد في كل المانيا . .

عندما تريد ان تأخذ امتحان اللغة الالمانيةة ف اول 3 مستويات تنجمع مع بعضها اي انك
تقدم مستوى B1 و هذا النمط هكذا دائما . . اما باقي المستويات ف تمتنحنها منفصلةة
لا اعلم لماذا . . ربما ان اول 3 مستويات متصلةة مع بعضها و ان مستوى ال B2 مستواه
مختلف تماماَ عن اول 3 مستويات . . و ال C1 نفس الشيء و هكذا . .

فال B2 قد يجده البعض اصعب من C1 ( نوعا ما ) و هذا غريباَ بعض الشيء فمستوى
ال C1 اعلى من ال B2 ولكن ال B2 يعتبر نقلةة مختلفةة تماماَ لمتعلم الغة الالمانية
فهذا المستوى يحتوي على اغلب و اصعب قواعد اللغة الالمانيةة . . و اغلب
المتعلمين يجدون ان هذا المستوى اصعب من مستوى ال C1 بسبب ان مستوى
C1 هو مستوى مكمل فقط ! اي ان المتعلم يتعلم مستوى كلمات مرتفع و قواعد
ايضا ولكنها قليلةة مقارنة بال B2 . . و لأن ال B2 اتى بعد مستوى جدا سهل
و لهذا السبب يجده الاغلب اصعب من المستويات الاعلى منه .

و دائما كانوا يقولون . . فور ان تأخذي ال B2 تعتبري انك ختمتي اللغة
لأن سر اللغة كلها يكمن بهذا المستوى < هل تتخيلون مدى صعوبته ؟

على كل حال . . اذا اردتم ان تتعلمون هذه اللغة لوحدكم بمساعدة موقع
اليوتيوب . . يمكنكم ان تبحثوا بناءاَ على اسم المستوى الذي تريدونه
اي اذا اردتم ان تتعلمون مستوى ال A1 تكتبون تعليم مستوى A1
للالمانيةة و هكذا . . ف اللغةة الالمانيةة لغةة مرتبة جدا و كل درس
رٌتب تحت هذه المستويات . .

رح ابدأ باللغة طبعا لا تعتبروها دروس اعتبروها ثقافة عامة نفسها نفس ما تتعلموا
اي لغة تانية و تعرفوا اشياء عامة عنها . . و انا هيني عم بدرس بنفس الوقت
و انا عم بكتب هالتدوينةة . . و اذا حابين نزل اشياء معينةة بالتدوينات القادمة
كل ما عليكم انكم تراسلوني

محتوى مخفي: لفظ الأحرف

A = ااااااه = Aa
مثال: تفاحة Apfel = ابفل

B = بيه = Beh
مثال: سرير Bett = بيت

C = تسي = TSEH
مثال: كافيه Cafe

D =ديه = DEH
مثال: شكرا Danke = دانكي

E = ايه = EH
مثال: بطة Ente = انتيه

F = فِ = F
مثال: سيدة Frau = فغاو

G = غيه = GEH
مثال: فلوس Geld = غيلد

H = ها = HA
مثال: كلب Hund = هٌند

هالحرف اذا اجا بأول الكلمة يلفظ اما اذا اتى في منتصف الكلمة
فيصبح لفظه مخفف ( بالكاد ان يكون معدوم )

مثال:

يذهب Gehen = قييُن ( مع تشديد على الياء الثانية لان حرف h يدمج مع ال e )
ساعة Uhr = اوا ( حرف الاتش لا يلفظ )
اذن Ohr = اوور ( حرف الاتش لا يلفظ )

I = اي = E
مثال: جزيرة Insel = إنزيل

J = يوت = YOT
مثال: جاكيت Jacke = ياكيه

( حرف اليوت يلفظ باللغة الامانية كحرف Y )

K = كا = KA
مثال: قطة Katze = كاتسيه

L = ال = EL
مثال: حياة Leben = ليبين

M = ام = M
مثال: قمر Mond = مٌند

N = ان = N
مثال: صفر Null = نول

O = اوه = O
مثال: فاكهة Opst = اوبست

P = بي = P
مثال: عملي Praktisch = براكتش

Q = كيو = Q
مثال: كلام فارغ Quatsch = كفاتش

R = ارر = ER
مثال: تنورة Rock = روك

حرف الارر اذا كان بآخر الكلمة يخفف لفظه او يحول الى فتحة

مثال:

ساعة Uhr = اواا ( لا يلفظ بشكل واضح انما يلفظ ك فتحة )

S = از = Z
مثال: زحل Saturn = زاترن

T = تي = TE
مثال: طاولة Tisch = تِش

U = يو = U
مثال: ساعة Uhr = اوا ( الراء مخففة )

V = فاو = F
مثال:محب Verliebt = فيرليبت

W = في = V
مثال: رائع wunderbar = فوندابار ( حرف الدبليو يلف ك حرف V )

X = إكس = EX
مثال: اكسيليفون Xylophon

Y = إبسيلون = EPSILON
مثال: عملة Yen = ين

Z = تسِت = TST
مثال: جريدة Zeitung = تسايتونق

في عنا هون احرف صوتيةة بكون لفظها اخف مع مطة خفيفة اكتر من الاحرف العاديةة
و اكتر شي بيجوا جوا الكلمات . . امثلةة :

Ü = وووه
مثال: وداعاَ Tschüss تشوس

Ö = اوووو
مثال: زيت Öl اوول

محتوى مخفي: لفظ الأحرف

الفرق بين الحرفين الصوتيين السابقين و الحروف الأصلية:

نفس اللفظ تقريبا بس الحروف الصوتية بتكون اخف و فيهم
مطة خفيفة يعني تمطوا الكلمة شوي

Ä = ايه = EEEH
مثال: تكملة ergänzen = ايرقينزين

الفرق بين ال A العادية و ال Ä الي فوقها نقطتين:
ان الاولى تلفظ الف ( ااااه ) و الثانية تلفظ ( اييه )


ß = هذه اس مشددة اي كأنها SS بعض الأحيان نكتب ال SS بهذا الشكل و بعض
الاحيان نكتبها منفصلةة:

مثال: كبير Groß = قروس
وممكن نكتبها Gross ايضاَ و في كلتا الحالتين صحيحةة

CH = خ
اذا اجا هالحرفين بعد هالاحرف ( a, u, ä, au ) بتتحول لحرف الخاء, مثال:

ثقب Loch = لوخ
ايضاَ Auch = أوخ
سقف Dach = داخ
كتاب Buch = بوخ

CH = ك
اذا اجا هالحرفين قبل هالأحرف ( a, o, u, f, r, s ) تتحول لحرف الكاف, مثال:

فوضى Chaos = كايوس
جوقة Chor = كور
كريست Christ = كريست

عنا هالحرفين ( e,i ) يختلف لفظهم حسب ترتيبهم بالكلمة, مثال:

اذا اجا ترتيب هالحرفين هكذا ei تلفظ اي i
اما اذا اجا ترتيب الأحرف هكذا ie فتلفظ اييي e

اي واحدة فتحة والثانية كسرة طبعاَ لأن حرف الاي ( i ) اقوى من حرف الايه ( e ) كحرف صوتي

مثال على ei:
ثلج Eis = ايس
ارز Reis = رايز
لا Nein = ناين
بيضة Ei = اي

مثال على ie:
كثير Viel = فيل
سلام Frieden = فريدين
ثور Stier = شتير

محتوى مخفي: الأرقام و لفظهم

نبدأ بالأرقام الالمانيةة و لفطها الصحيح بالالمانيةة :

1 = اينس = EINS
2 = تسفاي = ZWEI
3 = دغاي = DREI
4 = فيا = VIER
5 = فٌنف = FÜNF
6 = زيكس = SECHS
7 = زيبين = SIEBEN
8 = أَخت = ACHT
9 = نوين = NEUN
10 = تسين = ZEHN
11 = إلف = ELF
12 = تسولف = ZWÖLF

13 = دغاي تسن

نفس اللفظ لباقي الارقام لحد 19

20 = تسفانسش = ZWANZIG
30 = دغايسش = DREISSIG
نفس اللفظ لحد 90

100 = اين هوندارت = EINHUNDERT
200 = تفاس هوندارت
و هكذا لكل الارقام الي امامها صفرين

101 = اين هوندارت اينز = EINHUNDERTEINS
234 = تسفاي هوندارت فيا اوند دغايسش = zwei hundert vier und dreißig
^ طبعا بتنكتب ككلمة وحدة بس فصلتها مشان تعرفوا كيف انكتبت

1000 = اين تاوزاند او تاوزاند = EINTAUSEND
1347 = اين تاوزاند دغاي هوندارت زيبين اوند فيرسيش = eintausenddreihundertsiebenundvierzig

^ طبعا كلما كبر الرقم صار اكبر من ناحيةة الكتابةة بس انتوا لا تتعقدوا من الموضوع
لأن اللغة الالمانيةة عبارة عن جمع الكلمات مع بعضها بدون فواصل . .

طريقةة لفظ عدد السنوات :

اذا لقينا سنةة نفس 1994 . . ف لفظها يختلف عن لفظ الرقم العادي
اي ان سنة 1994 على سبيل المثال تلفظ هكذا :

1994 = نوينتسن هوندارت فيا اوند نوينسش = NEUNZEN HUNDERT VIER UND NEUNZIG

اي ان اول رقمين يتحولون لفئة المئةة . .

الترتيب مثلاَ كترتيب المراكز نضيف حرف te في اخر الكلمة, مثال:

الأول = erste = ايرستيه
الثاني = zweite = تسفايتيه
الثالث = dritte = دغيتيه
الرابع = Vierte = فيرتيه
الخامس = Fünfte = فونفتيه
السادس = Sechste = زيكستيه
السابع = siebte = زيبتيه
الثامن = Achte = اختيه
التاسع = Neunte = نوينتيه
العاشر = zehnte = تسينتيه
الحادي عشرَ = Elfter = ايلفتا = حالة شاذة
الثاني عشرَ = Zwölfte = تسولفتيه
الثالث عشرَ = Dreizehnte = دغايتسينتيه
الرابع عشرَ = Vierzehnten = فياتسينتيه

^ بالنسبة للأرقام الي مع رقم عشرة مثلا اربعةَ عشرَ فتكتب كما تكتب بالحالة
العادية مع اضافة ten الى رقم 19 ثم من 21 فما فوق فنضيف sten في نهاية الكلمة مثال:

الحادي والعشرين : einundzwanzigsten = اين اوند تسفانسشستن
الثاني و العشرون = Zweiundzwanzigsten = تسفاي اوند تسفانسشستن

و هكذا

هلأ خلصنا من نقرشة اللغة لانو الي جاي اهول من هاد لالا ان شاء الله بكون سهل
رح اكتفي بهل القدر بهل التدوينةة . . ان شاء الله بالتدوينةة القادمة رح احكي عن الافعال
لانو بدهم حكي كتير ق9




​

 

[Selene]

-

15 . 3 . 2020



أشـعـر بـالـخـدر يـتـجـذر و يـتـبـرعـم ويـتفرع في كياني. بداية اليوم الجديد لا تقلقني اليوم
ولأول مـرة أجـد الـشـمس تـنـظـر الـي بـتـعـالِ وتـحـدِ, بـل انـها عقدت سلامها معي وكأنها
تـبـتـسـم لي مبشِرة إياي بمـسـتـقـبل مشرق, ولا تهرب الغيوم مني هذه المرة, بل اراها تمشي
معي, في نفس الاتـجـاه كـانهـا تـريـد ان تـجـلب الطمأنينة الى قلبي . أستغرب كيف تجذبني
خـضـرةٌ الأشـجـار, و كـأنـها وجدت فجأة, او كـأنـنـي وجـدت فجاة, تحيطٌ الحياة بي من كل
ناحية أشعر بها تتسرب الى جسدي, انتفاضة, نشوة, حياة . .

" ???; _




​

 

[Selene]

-



التدوينة الأسبوعية 2

​

لو عرفت انك راح تموت شنو اخر امور راح تسويها قبل ما تموت ؟!​

رح اطـلـب مـن مـواقـع شـتى اشياء غالية و قسطها و طبعا رح فك دودة
اني جرب اشياء كان نفسي جربها من زمان و هيك هيك ميتة ان شاء الله
يلحقوني ع قبر يطالبوني بالتقسيط

اذا كنت حابة حدا رح قضي كل وقتي معو و اهلي كمان و سوي الاشياء
الـي كنت خاف اني سويها نفس اني اعترف لحد بحبي له ( بصيغة مذكر
بـس مو بالضرورة لذكر ممكن بنت معجبة فيها ) و احكي لكل حدا اذاني
انـا سـامـحـتـك طبعا بعد مايعرف اني رح موت مشان يانبو ضميرو اكتر
يعني اني صفي حـسـابـاتـي مـع كل الناس . . و روح ع الديسكو و ضل
ارقص و سـويـهـا عـرس مو عزا مارح خلي يوم واحد ينكد علي
و روح ع الامـارات و شوف كل رفـقـاتـي و كـل الناس الي بـحبن و الي
شـتـقـتـلـهـم و سـافـر عـلـى هـاواي الي كان حلمي اني سافرها مدام انو
هـيـك ولا هـيـك مـيتة لا موت هنيك احسن . . يعني هاد الي ببالي
حالياَ وشكرا على الفعالية .



​

 

[Selene]

-








مرحبا يا حلوين . . رح كمل التدوينة عن اللغة الالمانيةة ( التدوينة الأولى تجدونها هنا )
بهل التدوينة رح احكيلكم عن الأفعال . . يعني بتقدروا تحكوا انو اكتر شي مثير بهل اللغة
هو افعالها لانو جد جد انصدمت لما بلشت اتعلمها . . عمركم سمعتوا بلغة بتزت الفعل
لآخر الجملة ؟ او بتقسم الفعل نص بأول الجملة و النص التاني بآخر الجملة ؟ او فعل
انعكاسي بكون الو ضمير و تصريف خاص فيه و اذا الضمير ما كان معو الفعل ما بيكتمل ؟

بالضبط هي هية اللغة الالمانيةة . . اهلا و سهلا بكم بأول تدوينةة ( فعلية ) عن
اللغة . . ف لو عندكم فضول او حابين تزيد معرفتكم باللغات فكملوا معي . .

اول شي رح ابدأ عرفكم عن الافعال العادية ( في منها عادية وفي منها شاذة من ناحية التصريف )

الافعال كتيرة طبعا ما رح اكتبها كلها كلها رح اعطيكم كم من مثال عن الفعل العادي و كم من مثال عن
الفعل الشاذ . .

محتوى مخفي: الافعال النظامية و الأفعال الشاذة

الافعال العاديةة :

محتوى مخفي: الافعال النظامية و الأفعال الشاذة

عنا فعل Schreiben - يكتب

تصريفه :

Ich - انا : Schreibe
du - انتَ : Schreibst
er/sie/es - هو/هي/للجماد : Schreibt
wir - نحن : Schreiben
ihr - هم : Schreibt
Sie - للإحترام : Schreiben

الافعال النظامية دائما التصريف تبعها بكون موحد من ناحية القاعدة العامة للتصريف
ich = دائما بنضيف e اخر شي

محتوى مخفي: الافعال النظامية و الأفعال الشاذة

du = دائما بنضيف st بآخر الفعل
er/sie/es = دائما بنضيف t
wir & Sie = هدول احفظوهم ع الغايب دائما بكون نفس الفعل الاصلي بدون تغيير يعني Screiben
ihr = منضيف t و مرات et

اذا الفعل كان نظامي ف دائما بيتصرف تحت هالقاعدة بدون اي تحريف

عنا فعل lernen - يتعلم

تصريفه :

Ich - انا : lerne
du - انتَ : lernst
er/sie/es - هو/هي/للجماد : lernt
wir - نحن : lernen
ihr - هم : lernt
Sie - للإحترام : lernen

^ هالفعل كمان فعل نظامي لأنو انطبق على القاعدة الرئيسية للتصريف

الافعال الشاذة :

و هون عاد الصعوبة . . لان هالافعال لازم تنحفظ حفظ او لازم تكون مارة عليك من قبل

مشان تعرف كيف بتتصرف مثل :

عنا فعل reden - يتكلم

تصريفه :

Ich - انا : rede
du - انتَ : redest
er/sie/es - هو/هي/للجماد : redet
wir - نحن : reden
ihr - هم : redet
Sie - للإحترام : reden

^ في احرف زادت

عنا فعل laden - يٌحَمِل

تصريفه :

Ich - انا : lade
du - انتَ : lädst
er/sie/es - هو/هي/للجماد : lädt
wir - نحن : laden
ihr - هم : ladet
Sie - للإحترام : laden

^ في حرف كامل تغير لحرف صوتي . . و حطوا ببالكم انو الاحرف الصوتية بتتغير بحالة المفرد فقط و لو انتبهتوا فقط الضمائر المفردة الي تغير حرفها لحرف صوتي ( هي معلومة مهمة لا تنسوها )

طبعا ما حبيت كتر امثلة المهم تكون وصلت الفكرة لأن الافعال لا تعد و لا تحصى

محتوى مخفي: الأفعال المركبة

الافعال المركبة:

عنا افعال بتتكون من جزئين : جزء بتكون بأول الجملة و الجزء الاخر بينتقل لآخر الجملة

محتوى مخفي: الأفعال المركبة

و الفعل الي بأول الجملة بيتصرف عادي بس الي بآخر الجملة ينقل كما هو

مثال:

عنا الفعل المشهور einkaufen - يشتري

الفعل مكون من ein و kaufen
ein بتروح لآخر الجملة و kaufen منخليها باول الجملة

و بيتصرف بشكل طبيعي . . طبعا مدام kaufen هو الفعل الاصلي ف هو الي بيتصرف
و ein بتنتقل لاخر الجملة بدون اي تغيير

تصريفه :

Ich - انا : kaufe ein
du - انتَ : kaufst ein
er/sie/es - هو/هي/للجماد : kauft ein
wir - نحن : kaufen ein
ihr - هم : kauft ein
Sie - للإحترام : kaufen ein

ليش حطيت ein بعد الفعل ؟ لان بالجملة بينحط الفعل اول بعدين ein
و لما يجي الضمير بيجي بعدو الفعل و بعدو ال ein مثال:

Ich kaufe einen Stuhl ein - اشتريت كرسي

هاد بسموه الفعل المركب لانه متكون من جزئين و بينفصلوا بالجملة
طبعا رح اشرح بعدين قواعد اللغة وليه حطيها einen

محتوى مخفي: الأفعال المتصلة

في لواحق بتكون مع الفعل الاصلي :
( تختلف عن الافعال المركبة بحيث الفعل المركب ينفصل بالجملة
اما الافعال المتصلة لا تنفصل بالجملة و يكون من الفعل الاساسي )

1. تدخل على اول الفعل اياَ كان تصريفه و تتصل به
2. تأتي بمعنى جديد للفعل
3. تنطق هذه اللواحق بصوت منخفض قليلاَ عن الفعل الاصلي
4. تدخل على اي فعل
5. يتم تصريف الفعل المتصل كتصريف الفعل العادي

أمثلة على اللواحق:

[ ge, vor, hinter, miss, ieren, be, emp, ent, er, zer ]

عنا لاحقة ( Be ) من الأفعال التي تحتوي على هذه اللاحقة:

1. Bestellen = ان يطلب
2. Behalten = الاحتفاظ بـ
3. Beschreiben = يصف
4. Bekommen = الاستلام

و الخ الافعال لا تنتهي . . و مثال على تصريفها :

عنا فعل Bekommen = الاستلام

تصريفه :

Ich - انا : bekomme
du - انتَ : bekommst
er/sie/es - هو/هي/للجماد : bekommt
wir - نحن : bekommen
ihr - هم : bekommt
Sie - للإحترام : bekommen

^ بيتصرف كما يصرف الفعل العادي و اذا كان شاذ يصرف نفس تصريف الفعل
الشاذ الاصلي مع اضافة اللاحقة

لاحقة ( emp ) من الأفعال التي تحتوي على هذه اللاحقة:

empfangen - الاستقبال
empfinden - ان يشعر

لاحقة ( ent ) من الأفعال التي تحتوي على هذه اللاحقة:

entscheiden - ان يقرر
enthalten - يحتوي على
entnehmen - يأخذ

لاحقة ( er ) من الأفعال التي تحتوي على هذه اللاحقة:

ergeben - ينتج
erfahren - يأخذ خبرة بالعمل
ersuchen - يرجو

لاحقة ( ge ) من الأفعال التي تحتوي على هذه اللاحقة:

gehören - يخص
gefallen - يعجب
gebrauchen - يستخدم

لاحقة ( vor ) من الأفعال التي تحتوي على هذه اللاحقة:

vergeben - يمنح
verdroppeln - يضاعف
verstehen - يفهم

لاحقة ( hinter ) من الأفعال التي تحتوي على هذه اللاحقة:

hinterlassen - يترك خلف

لاحقة ( miss ) من الأفعال التي تحتوي على هذه اللاحقة:

missverstehen - يسيء الفهم
missverbrauchen - يسيء الاستخدام

لاحقة ( ieren ) من الأفعال التي تحتوي على هذه اللاحقة:

telefonieren - يتصل

و حابة انوه كمان انو بكل هالافعال في منها الشاذ الي بتجي من تصريف الفعل الاصلي
و بتتصرف نفس ما بيتصرف الفعل الاصلي بس مع اضافة اللاحقة

يعني الزبدة من كل هالكلام الاهم انكم تعرفوا تصرفوا الافعال الاصلية الشاذة لان الافعال المتصلة
و المركبة الشاذة هي نفس تصريف الافعال الاصلية الشاذة مع اضافة اللاحقة الها . .

هي هية ثغرة اللغة الالمانية انو من الفعل الواحد بتلاقي احيانا 4 او 5 افعال مشتقة منها و هل شي
الي بسهل حفظها و رح اعطيكم مثال :

عنا الفعل المشهور kommen - ياتي = مشتقاته :

محتوى مخفي: مشتقاته

abkommen = = ينحرف

محتوى مخفي: مشتقاته

ankommen = يصل
aufkommen = يتظاهر
auskommen = يتدبر/ينسجم
abhandenkommen = يفقد
beikommen = يحل مشكلة
davonkommen = يهرب
durchkommen = يتجاوز
entgegenkommen = يتساهل
entkommen = يفر
fortkommen = ينصرف يبتعد
gleichkommen = يتساوى/يعادل
hinkommen = ياتي الى
herkommen = يقترب يأتي
herauskommen = ياتي للخارج/يصدر
heimkommen = يعود الى الوطن
hochkommen = ياتي للأعلى
herumkommen = يتهرب من/يدور حَول
herunterkommen = يتدنى
loskommen = ينفصل/يتحرر
mitkommen = يرافق/يأتي مع ( فعل مركب )
mitbekommen = يدرك شيء عن غير قصد/يستوعب
nachkommen = ياتي لاحقاَ

تخيلوا كمية الافعال المشتقة من فعل واحد ؟ ف هل شي الي بسهل
اللغة يعني مو نفس مثلا اللغة الانجليزية الي الواحد بيحفظ افعال
فعلاَ بتكون مختلفةة يعني بتكون اسهل بالحفظ بكتير بس زيدوا
لاحقة وبيتغير المعنى كله . . و هالشي بينظبق على باقي الافعال ايضاَ

ان شاء الله يكون الشرح واضح بالتدوينة الجاية رح احكي عن
الأفعال الماضيةة [ محتاجة كتير تركيز ]

مع السلامةة ياحلوين



​

 

[Selene]

@Go Away

الجميلة نزلت تحدي حلو و انا بحب التحديات
و خاصتا نحن هلأ بالحجر الصحي و مافي شي نسويه
فقلت ليه ما شارك ؟ حمااااسسسسسس

اختاروا 5 من التحديات الي كتبتها وطبقوها وشاركونا بتدوينة ( لاتنسوا التصوير )

1- اكتسب معلومات بسيطة عن اي بلد
2- ترتيب مجلدات الاب توب
3- يوم النوم المبكر
4- الترتيب العميق للغرفة
5- كتابة قائمة اشياء تجعلك سعيد

بالنسبة الي ليـه اخـتـرت هـالـتـحديات بالذات ؟ انا بحب كتير اني اعرف عن البلدان
وخـاصـتـا الـبلدان ( الغير مشهورة ) . . و بالنسبة لتاني تحدي . . حاسة لابي صار
نفس سوق الجمعة وخاصتا مستلزمات الفوتوشوب منتثرة بكل مكان و مابحب هيك
بـحب كل شي يكون منظم وبفولدرات 0.0 !! تالت تحدي . . لأن هالفترة كلها انا صرت
نام متأخرة لانو مـاعـنـدي شـي فـقـلـت لـيه ما اختار هالتحدي و نام يوم بكير ؟ رابع
تحدي . . بصراحة غرفتي دائما بتكون مـرتـبـةة بـس الـتـحـدي بـيـحكي ( ترتيب عميق )
وانـا مـحـتـاجـة رتـبـهـا هـالترتيب العميق . . خامس تحدي حسيتو زيادة بس
هاد افضل شي لقيتو اني مـمكـن سـويـه مـع انـي مـابـعـرف شو الي بخليني سعيدة ؟
يـاخـي مـرات بـحـس انـي عندي انفصام بالشخصية مرات مابعرف انا شو بحب او
شو الي بخليني فرحانة او بيزعجني بس رح سوي تجربةة في اعماقي بلكي
عرفت

شكرا جميلتي على التحدي . . انتظروني




​

 

[Selene]

-






مرحبا يا حلوين . . كيفكم ؟ زمان عنكم . . < ماعندها سالفة معليش استحملوني
رجعتلكم بتدوينة بسيطة خفيفةة . . طبعا اعذروني . . الروتين قاتل بعضو عندي من كتر
ماعندي اشياء احكيها ف مو عارفة شو اكتب بالمدونةة < قاعدة تكذب

يعني لو ماعندي تدوينةة فعلية ماني مستعدة لو شو اكتب حرف واحد هون . .
المهم . . مبارح طلع قرار لمقاطعتي انو صار في منع تجول و الي بيطلع بيتخالف
2000 يورو + قرار منع التجول لأسبوعين ! و تخيلوا قال الصين بهل كم يوم ما سجلت
ولا حالة جديدة ! كل الحالات الي سجلتها 400 حالة كانوا جايين بالطيارة و اخدوهم دايركت
على المستشفى ! و هاد بسبب انهم طبقوا قرار منع التجول ! يارب المانيا كلها تطبق
قرار منع التجول !! يعني مو معقولة انا اخر دراستي سنة كاملة مشان كم بني ادم حمار
مو راضي يضل بالبيت اسبوعين !!

المهم انو وضع الكورونا زاد كتير . . كتير ممثلين كبار و رؤساء ووزراء صابهم الكورونا !
و فوق هاد رفيقتي بالامارات صابتها الكورونا لما كانت بفرنسا . . لا و المصيبة
قبل كم يوم منزلة بوست انو السفارة الاماراتية بتنصح المواطنين المتواجدين
بفرنسا يرجعوا للبلد . . و هية بنفس البوست مصورة برج ايفل
الموضوع بضحك لانو هي حطت البوست من باب الدعابةة . .
و شكلها هي انصابت من لما كانت بفرنسا . . بس وربي زعلت عليها
و ان شاء الله تقدر تطلع من هالمرض بصحة و سلامة و كل الي خالطتهم
بهل الفترة يكونوا مناح . .

اكتر شي زاعجني بهل الفايروس انو كل الاعمال تأجلت الى اجلِ غير مٌسمى !!
ان كانت مسلسلات ولا افلام و انميات !! شكلنا هالرمضان مارح نحضر مسلسلات

الحمد الله انو مع و قبل الكورونا انا هو هيك هيك روتيني بيتوتية مابحب اطلع كتير
الا لما شوف ناس معينين و هدول الناس مابشوفن كتير ع كل الاحوال اني حاطة
بخاخ ( كحولي درجة 0 يعني فوق رقم 1 ) و كلما حدا مسك مصاري او كوينز او اجا
من برا بعطيه بهل البخاخ و خليه يتعقم واقفتلو متل سبايدرمان

الله يحمي الجميع و يعافي المصاب
نراكم في تدوينة أٌخرى


. ​

 

[Selene]

-








مرحبا يا حلوين رجعتلكم بتدوينة أٌخرى عن اللغة
التدوينة السابقة تجدونها هنا . . بهل التدوينة رح عرفكم على الأفعال الماضية باللغة الألمانيةة
الأفعال الماضية باللغة الالمانية افعال جدا غريبةة حتى لما بلشت اتعلمها استغربت طريقة كتابتها
بس منضيف حرفي ge و بهيك بكون تحول الفعل للماضي . . طبعا هي بالحالات العادية

لازم ناخد بعين الإعتبار فعل Sein و فعل Haben لأنهم يعتبروا الأفعال الرئيسية باللغة !

محتوى مخفي: تصريف الفعلين

تصريف فعل Sein - اكون :

Ich - انا : bin
du - انتَ : bist
er/sie/es - هو/هي/للجماد : ist
wir - نحن : sind
ihr - هم : seid
Sie - للإحترام : sind

محتوى مخفي: تصريف الفعلين

تصريف فعل Haben - يمتلك :

Ich - انا : habe
du - انتَ : hast
er/sie/es - هو/هي/للجماد : hat
wir - نحن : haben
ihr - هم : habt
Sie - للإحترام : haben

بعد ما تعرفنا على الفعلين . . هلأ رح احكيلكم عن علاقة هالفعلين بالأفعال الماضية

محتوى مخفي: علاقة هذين الفعيل بالأفعال الماضية

1. نستخدم Sein اذا كان الفعل متحرك . . اي عندما يتحرك من نقطة لنقطة . .
مثال: لما روح من البيت ع المدرسة . . هي بتكون من نقطة لنقطة تانية
اي انا قبل شوي كنت بالبيت و صرت بالمدرسة هون الفعل بكون متحرك ..

مثال: عندنا فعل Fahren - يسوق - هالفعل يطبق نظرية من نقطة
لنقطة .. مثال: Ich bin nach Berlin gefahren اي انا كنت بنقطة و صرت
بنقطة تانية و هية برلين . . و لو انتبهتوا صرفت الفعل لتصريف ( انا )

الموضوع سهل بس بدو ممارسة . .

و عنا ايضاَ افعال: gehen, fahren, fliegen, schwimmen, reisen
تأخذ ايضاَ فعل sein

2. نستخدم فعل sein عندما تتغير الحالة .. اي على سبيل المثال عندما كنت نائما
ففعل ينام schlafen يأخذ فعل haben اما عندما ( نغفى ) اي فعل einschlafen
فيأخذ فعل sein لأن هنا حالة الجسم قد تغيرت .

3. هنالك افعال التي لا ينطبق عليها هذه القواعد و تأخذ فعل sein فهذه الافعال الشاذة و تحفظ حفظ

4. اما فعل haben فيأخذ باقي الافعال و التي تكون ثابتة ( اي لا يجود بها حركة ) كفعل trinken
essen - kaufen والخ . .

الافعال الماضية بهل البساطةة . . ( اذا انفهمت صح ) طبعا عطيتكم قاعدة الأفعال الماضية
و هلأ نجي للأفعال الماضيةة العادية و الشاذة و كيف فينا نغير الفعل العادي لفعل ماضي ؟

محتوى مخفي: الأفعال الماضية . . العادية و الشاذة

- الأفعال العادية الغير شاذة نفس fahren - يسوق . . الماضي منها بكون نفس ماهو بس منضيف ge
عنا فعل kommen و الماضي منه gekommen ( نفس الفعل الاصلي مع اضافة ge في اول الفعل )

- الفعال العادية الشاذة نفس فعل trinken - يشرب الماضي منها بكون getrunken
* الفعل كله تغير و هالافعال تنحفظ حفظ لأنها مالها قاعدة *

- و عنا كمان فعل essen - يأكل . . و الماضي منه gegessen
* الفعل كله تغير *

- و عنا فعل finden و الفعل الماضي منه gefunden كمان تغير
و مافي قاعدة لهل الأفعال الأفضل تنحفظ حفظ . .

هلأ نجي للأفعال المركبة و كيف رح تتحول للماضي . . هون في لخبطة شوي لان
الواحد مابيعرف وين يحط ال ge لما يكون الفعل مركب

محتوى مخفي: الافعال الماضية المركبة

عنا فعل einschlafen - يغفو ( الي اخدناه قبل شوي ) هاد الفعل هيك بيتحول للماضي
eingeschlafen يعني بعد اللاحقة بيجوا الحرفين ge ف هون لازم تحفظوا اللواحق
لأن مرات بتصادفكم لواحق غريبة . .

طبعا الفعل هاد فعل مركب عادي اي بيتحول للماضي بدون تغيير . . و في كمان
افعال مركبة شاذة و نفس ماحكيت بتدوينتي السابقة انو مشان يسهل الموضوع عليكم
ف احفظوا الافعال العادية الشاذة و تصريفها لانو هي هي نفسها ف الاصل بروح
للفعل العادي . .

عنا فعل mitnhemen - ياخذ مع . . هالفعل هيك بصير لما يصير بالماضي
mitgenommen - تغير الفعل كمان . . و في عنا كتير افعال شاذة وللأسف
لا تطبق اي قاعدة معينة لهل التغيير ف دائما بيحكولنا نحفظها حفظ . .

محتوى مخفي: الأفعال الماضية المتصلة

و هنالك ايضا افعال لا تحتاج الى ge , الافعال الي بتتعلق باللواحق تحت مسمى
( الافعال المتصلة ) عنا لاحقة be مثل: bekommen فبالماضي ما بتتغير
بتضل نفسها حتى بدون ge و كمان هي لا تطبق على قاعدة معينةة ولازم نحفظا حفظ

و عنا لاحقة er نفس erklären لا تحتاج الى ge و انما تتحول الى هكذا: erklärt

اما الافعال الي بكون فيها لاحقة ieren متل telefonieren فبالماضي بس منضيف حرف ال t :
هكذا : telefoniert

و لما بدنا نسوي جملة بالماضي لازم ناخد بعين الاعتبار قاعدة الافعال الماضية ال haben & sein
و تصريف الافعال للماضي . . مثال:

محتوى مخفي: تطبيق امثلة كاملة

Ich habe ein Auto gekauft = اشتريت سيارة

* فعل عادي و تصريف عادي مع اضافة الفعل المساعد haben لأن الفعل غير متحرك

Ich bin nach Irak geflogen = طرتَ الى العراق

* فعل شاذ مع استخدام الفعل المساعد sein لأن الفعل متحرك

ich habe mein schlüssel mitgenommen = أخذت مفتاحي معي

فعل مركب شاذ مع استخدام الفعل المساعد haben

ich bin mit meiner schwester in die party mitgekommen = جئت الى الحفلة مع اختي

فعل مركب عادي مع استخدام الفعل المساعد sein

و هكذا . . طبعا متل ما انتوا شايفين صيغة الجملة الاخيرة . . مو مهم اديش الجملة طويلة
الفعل بكون ااااخر شي و الفعل المساعد اول شي بعد الضمير . .

طبعا تصريف الافعال ماخلص لسا في ال Präteritum , Futur I , Futur II , Plusquamperfekt
و هنالك الكثير من التصاريف بس رح اكتفي بهل القدر بهل التدوينة و رح اجل هذه الفعال لبعدين
بسبب انها معقدة شوي . .


بالتدوينة القادمة رح احكي عن الأرتيكلز الي هن Die, Der, Das
^ مع انو المفروض كنت اكتها بالاول مع الارقام بس مدري ليه اجلتها




​

 

[Selene]

-






هي التدوينة تابعة لتاريخ 24.3.2020 اي يوم امس

وربي كان احلا يوم مارح احكي بحياتي بس لأن هالفترة كتير كنت مكتأبة نوعا ما ف هاليوم
جد حسن مزاجي و انبسطت كتير . . لأن اول مهرجان بحضرو معكم و كان كتير حلو
خاصتا السهرة مع اني وربي بالعادة ما بشارك بالسهرات ممكن شوف من بعيد بس ماكنت
استمتع و اطلع من اولتها بس سهراتكم عنجد رهييبة و مابتنمل خاصتا الضحك و المزح بين بعض
نفس العيلةة عنجد حبيت انمي تون بكل تفصيلة فيه و ماني ندمانة على الوقت الي عم قضيه بهل
الموقع الجميل لأنو عرفني على ناس نفسكم حسيت اني ببيتي التاني والله هية مو قصة
جوائز ولا اوسمة ولا تونات و لا هدايا . . لانو سهل الواحد ياخدهم بس محبة الاعضاء و جو الموقع
نفسو يكون مريح هاد الي صعب تلاقيه . .

اكتر شي ضحكني مبارح هو فعالية سكاي بالسهرة . . بصراحة عنجد ماتوقع تكون هيك وانا
مجهزة حالي على اساس انو اسئلة و هيك و بغشها من قوقل و اذ قال بدو اجوبة سكاوية
بصراحة مو قصة ارتحت بس هيك فرغت التفكير الي بمخي و كنت رد دائما ردود هبل ومضحكة
و لاول مرة ما هاممني اني اخد نقطة او لا لا و الي بضحك اني قبل ماكنت بستخدام الري أكشن
بالصور كنت بس استخدم الفيسات الموجودة ضمن الموقع و هاد الي زاد السهرة ضحك
خاصتا باتمان ماقصر هههههههههههههههههههههه . . المهم . . انو نحن هالفترة جد تعبانين بسبب
هالفايروس و الحجر ! . . اجت السهرة بوقتها و ياريت لو تعملوا سهرات بين فترة و التانية
مشان نغير جو و نضحك مع بعض و الاهم انو نقوي علاقاتنا و الاهم الاهم من هاد كلو السهرة
ما تكون جدية حبيت فكرة سكاي انو الاجوبة تكون بالهبل

كتبت هالتدوينة مشان تكون ذكرى ارجعلها بعد سنة و اتذكر اديش كنت فرحانة
بأول مهرجان . . و بإنتظار السيلفي الفخم مشان حطو هون . .

دٌمتم سالمين



​