مدونة متألقة هدى تٌزهر . (2 زائر)

[هدى.]

Vinita

يسعدك ربي انطربت عليها هههه

وياك، ههههههههههههههههههه ترا هي دايم كذا
تصير معي اجيب كلمات تفشل وتتحول لاغنية معاقة
سجلت هنا مقطع صوتي كمثال
حي للعيد اللي اجيبه
بالله اسمعوا
الكلمات اللي طلعت معي كيف تفشل وماهي مترابطة

بس كذا طلعت ترقص زي ذا
ولا ماينطلع فيها قدام العالم ككلمات اصلا

• بسوي اخفاء للفيديو بعد كم يوم •

 

[هدى.]

معرف وش اقول قررت بداية اغامر واستخدم كلمات Ai,
سألت سبوتفاي ومواقع التوزيع وقالوا عادي المهم
اذكر ان الكلمات منه ويقولون المهم الصوت تبعي
وهو الحكم اتوتر من القضايا وذي القصص رغم
اني تعرفون اشك بعملي كعادتي بس كذا برمي
اغنية والمهم توصل للعالم وخلاص يصير اللي يصير
حتى لو كانت موجيدة بنظري يمكن بعدين يحبها احد

اشتقت لنفسي الصغيرة اللي كانت تهبد اي اغنية بلا تخطيط
وكل همها الناس يحبونها ويعطونها كم مدحه حتى لو كذبية اععع xd


الكلمات بسيطة انجليزية بس حبيتها وتدربت عليها
لطيفة كذا فيها القليل من الأمل بس كذا تافهه وقصيرة
معرف كيف اوصف بس مومهم

حيرانة باقي بالتمبو اخليه سريع ولا اخليه بطيء
مازلت اجرب يافتاة انا احب هذا يحسسني
بالشغف الصدق شعور لطيف كذا يمر الوقت بسرعة وانت
تسويه استمتع فيه انا

​

 

[هدى.]

فيه قط من فترة شبه طويلة، يجي يأكل عندي
انا واختي واحس صار بينا علاقة حلوة
جاء لاول مرة وارتاح بعدها صار
دايم يجي هنا كل يوم ياكل

كان تعبان شويا بس
مقدرنا نساعده وقتها ماخلانا
نعالجه بالعيادة
اختي اشترت علاج قبل ومدري
على اساس شيء يفيد بس ماصار شيء
اليوم صار تعبان اكثر

المهم هو ارتاح لنا على مايبدو كنت بالصباح
دايم اقوم اوكله وكنت سعيدة
واختي بالليل
بس اليوم الوضع صار سيء اكل شويا بس

انعزل على جنب وجلست احاول اساعده
بس ماترك لي مجال وحسيت بالحزن حسيت
كأنه يقول اتركيني وحدي بس ابغى اجلس هنا
حتى اختي مقدرت تسوي شيء

ومعرف بكيت كثير ومقدرت اسوي شيء
وحطيت له قطعة من ملابسي اثقل شيء ابغى اساعده
على اساس ادفيه بس هو كأنه يبغى يجلس هنا على جنب
وخلاص بدون شيء ويتألم ) ومعرف جالسة الحين
ابكي وابكي واعتذرت له كثير انا اسفة على على قلة حيلتي


كأن يجون عشان يموتون هنا ...