فخر المدونين Make Some NOISE (3 زائر)

[Selene]

قرأت بوست ع التويتر و لفت نظري , كان عبارة عن حقائق او بتقدروا تحكوا وقائع صارت
بزمننا و للأسف ماحدا بيعرف الحقيقة الكلية عنها و لازالت مخفية . . ف اجاني فضول اعرف
رأيكم بهل الموضوع . . رح يكون استبيان سريع و خفيف

هل تؤمن بأن: -

1. هناك علاج للسرطان لكن يقومون بإخفاءه؟
2. هناك مختبرات تصنع الفايروسات لقتل البشر؟
3. الأميرة ديانا أغتيلت ولم يكن حادث؟
4. أحداث 11 سبتمبر مدبرة من أمريكا؟
5. شركات الأدوية تصنع الأمراض لبيع أدويتها؟
6. هناك جماعة خفية تتحكم بالعالم (الماسونية مثلاً)؟

- كل الاجوبة نعم تفاعل خشمك
- معظم الاجوبة نعم تفاعل قهرتني
- كل الاجوبة لا تفاعل تفاعل فديت
- معظم الاجوبة لا تفاعل اوبس
​

 

[Selene]

12 . 5 . 2020

^

مرحبا ياحلوين اليوم شو ياحزركم؟ اليوم سنويتي بالمنتدى كملت سنة يا شباب

بصراحة هي اول مرة بعمل هالتدوينة و هالفكرة كلها و اجت ببالي على اد ماكانت
بصمتي قوية من اول ما سجلت لحد هلأ و حاسة نهايتي قربت لأني حاسة اني قدمت فوق طاقتي والواجب
يدق الباب و بيحكيلي زينة عطيني كل وقتك < قصدي هون دراستي . .

ف مشان حط بصمتي و خاصة اني كملت سنة بالمنتدى و بهل سنة مَ شاء الله ماتوقعت اني انجز
كل هالانجازات بهل المدة القصيرة !! مع اني بتذكر اني في فترة منيحة غبت فيها عن المنتدى
كان بنص شهر 9 و 10 و 11 و مع هيك حطيت كل طاقتي بهل المنتدى لأكتر من سبب:

1. كنت فاقدة جو المنتديات 2. كنت فاقدة التصميم 3. كان عندي افكار كتير قدمها للموقع
4. حبي للمنتدى نفسه و الأعضاء و كان هاد اخر شي كسبته

و بما انها هي اول سنة ف رح حط بهل التدوينة كل انجازاتي و مغامراتي بالمنتدى
من اول ماسجلت لحد هلأ . .

يلا نبلش . .

بشهر اغسطس بدا احتسابي ضمن تكريم المشرفين و ضليت مشرفة قسم الفوتوشوب
فترة منيحة و كان قسمي المفضل و فيه اكبر عدد من المواضيع الي انختمت اداري و ذهبي
و استمتعت كتير باني كون مشرفته لحد اليوم الي اجا قرار انو اي مشرف شايف حالو قادر
انو يصير مشرف عام و عندو الوقت يحكي الادارة و انا رحت و كلمت سكاي لو انا مؤهلة او لا
و قلي انتي من زمان مؤهلة و فعلا بنفس الوقت رقاني لمشرفة عامة < وتمنيت لو ماوافقت
لانو ام الكرف اجاني فكرت الاشراف العام اسهل من الاشراف العادي طلع لا
و كنت كارهة ام المسؤولية لأنو انا طبعي حتى بالحقيقة بتهرب من المسؤوليات قد ما اقدر
بحب ريح مخي و مابخبي عليكم كل شهر بحكي هاد اخر شهر الي بالاشراف ورح انسحب
و بيجي الشهر الي بعدو وبتراجع لأني وصلت لمرحلة منيحة بالاشراف وخاصتا بقوانين المنتدى
الي كنت حافظتها صم من لما كنت عضوة عادية < انا دائما بهتم بالقوانين و بمشي عليها ع المللي
و اول شي بشوفو بأي منتدى هو القوانين قبل ما سجل واذا عجبتني و بسجل فيه >

و حتى بكرسي الاعتراف في سؤال اجاني لو قالولك تصيري ادارية تقبلي؟ جاوبت لا و كان جوابي
مبني على اني مابدي ضغوطات زيادة و حاسة حتى فترتي بأنمي تون رح تخلص مع اني مابلشت <
بالنسبة للبعض > بس انا فترتي ما بقيسها بعدد الأيام بقيسها بالاشياء الي قدمتها بهل الفترة لأنو
في بعض الاعضاء هون مسجلين من زمان بس لو قارنت الاشياء الي قدمتها فيهم ف انا بكون قدمت
اكتر ف هل شي لازم تحطوه بعين الاعتبار انو حاسة رحتلي بانمي تون رح تنتهي طبعا ك مشرفة
بس هاد مو يعني اني اهجر المنتدى اكيد انمي تون مارح ينحرم من ابداعي < امشياطلعيبرا

طبعا اكتر شي حابة احكيلكم ياه اني ماذقت طعم العضوية الرمادية لأنو بأول شهرين بتسجيلي اخدت عضوية
التميز السودا و بعدها صرت مشرفة < ماعندي يا يما ارحميني

المهم بعد ماحكيتلكم قصة اشرافي رح احكيلكم عن ( اول موضوع ) من كل ختم طبعا كل موضوع
فيه ذكرى حلوة خاصتا اول موضوع الي انختم اداري


اول موضوع اداري انختم الي كان بعد تسجيلي ب اسبوع < كانت مدة عمل الموضوع
و كان هاد الموضوع الختم الاداري . REPORT ABOUT - YU GI OH! - ALL PARTS
و بسبب يو غي يو تسجلت بالموقع لأني وقتها كنت عم تابعو و من كتر ماحبيت قصتو دورت بالصدفة
على منتديات انمي مع اني ولا مرة توقعت اني ابحث عن منتديات انمي لأني بعيدة كل البعد عن الانمي
و لقيت انمي تون و كان اول موضوع يو غي يو لأني هو نفس السبب الي تسجلت فيه و ختمته الادارية
الجميلة @RELENA وقتها و من كتر صدمتي انو انختم اداري نزلت هالتدوينة هنا لأني جد
ماتوقعت كان بالنسبة الي اقوى حافز اني كمل بإبداعي هون . .

اول موضوع انختم بذهبي كان بقسم عدسة وفن و من بعد هالموضوع اشوفك وين يا مهاجر
الختم الذهبي My Drawing Book

اول موضوع انختم فضي كان عن رسمة ديجيتال رسمتها بالبن تول
الختم الفضي BMW M4 - PENTOOL DRAWING

و سويت دورة لأساسيات التصميم صح ماكملتها بس سويت عدد منيح من الدروس ولو انو الدروس
كلها كانت اكاديمية اكتر من ماتكون دورة للهواة ومع هيك لقيت كتير شكاوي انها صعبة
و كل درس كنت حاطة فيه كتير معلومات و مانو درس مختصر < انا ماعم امدح اعمالي
بس سبب توقفها انو عدد كبير من الاعضاء انسحب بدون سابق انذار < احكولي لو حابين
كملها > فهرس الدورة | دروس الدورة

بعد ماحكيتلكم عن ( اول موضوع ) من كل ختم نجي هلأ لإحصائيات مواضيعي كلها
الي سويتها بسنة وحدة :

المواضيع الفضية:

1. BMW M4 - PENTOOL DRAWING
2. GO WILD FOR A WHILE #GIF OVERLAYS
3. MY APPS | التطبيقات التي يحتاجها كل مصمم
4. Nelliel Tu Odelschwanck - AVATARS & SIGNATURES
5. رهاب العناكب - Arachnophobia

المواضيع الذهبية:

1. My Drawing Book
2. BUY ME FOOD AND TELL ME I'M CUTE | PIXEL ART COLLECTION
3. Tropical Vibes - SUMMER COLLECTION
4. Tropical Vibes - Drinks&Report
5. I'M A GIRL, WHAT'S YOUR SUPERPOWER ? #SUPERGIRL Report&Watch
6. Think Green - Lesson + Scraps
7. You are not old. You are RETRO - Collection
8. Alive or just Breathing ? #5 Designs
9. Wonder Park 2019 | DOWNLOAD & WATCH
10. Sheep & Wolves: Pig Deal 2019 | DOWNLOAD & WATCH
11. Batman: Hush 2019 | DOWNLOAD & WATCH
12. Scooby Doo! 2019 | Download & Watch
13. The Lion King 2019 | Download & Watch
14. How to train your dragon 2019 | Download & Watch
15. D R E A M S | PINK COLLECTION
16. DUDE I don't really care! - B&W COLLECTION
17. مشاهدة و تحميل Be Brave and Be Fearless - Brave Movie
18. introducing the luxury Mazda 6 & BMW M6
19. Report about Crystal Meth - Methamphetamine
20. LET ME NEVER EVER WAKE AGAIN | RED COLLECTION
21. My day at Christmas | PHOTOGRAPHY
22. to infinity & beyond - النقطة الزرقاء الباهتة
23. Snow Indicates Harvest 2019 | DOWNLOAD & WATCH
24. Batman vs. Teenage Mutant Ninja Turtles 2019 | DOWNLOAD & WATCH
25. The Secret Life of Pets 2 2019 | DOWNLOAD & WATCH
26. Real Steel | Download & Watch
27. Beautiful 綺麗な | Avatars
28. Central Intelligence | Download & Watch
29. تحميل جميع حلقات انمي Girly Air Force
30. قل بصوت عالٍ للجميع لقد قتلت! - رواية الجريمة و العقاب
31. 2020 GO WILD FOR A WHILE - FASHION COLLECTION
32. الشاعر طرفة بن العبد و المعلقات السبع
33. كتاب اساسيات الشعر و تقنياته
34. كتاب الشعر و الشعراء
35. Battleship Movie | Download & Watch
36. Baywatch Movie | Download & Watch
37. Ride Along 2 Movie | Download & Watch
38. Fist Fight Movie | Download & Watch
39. لا تستسلم أبداَ | رمزيات ثابتة + متحركة + اغلفة ملفات | انمي قاتل الشياطين
40. تحميل جميع حلقات انمي Girly Air Force

المواضيع الادارية الفردية:

1. Avenged Sevenfold | Now your nightmare comes to life | Biography
2. جُمهُورِيَّة أَلمَانِيَا الاِتِّحَاديَّة | Bundesrepublik Deutschland
3. Skating World | When in Doubt Skate it Out
4. فيودور دوستويفسكي - لقد تواضعت جداً ، حتى ظنّوا أنني لا شيء
5. The World is full of Magic ! | The Biggest Aesthetic Picture Collection +5000
6. Aesthetic World Collection
7. . REPORT ABOUT - YU GI OH! - ALL PARTS

المواضيع الادارية المشتركة:

8. تحميل جميع اجزاء انمي Nanatsu no Taizai
9. DC FILM WORLD | BIOGRAPHY | FILMS & COMIC BOOKS | FREE DOWNLOAD
10. ICON WORLD | FULL COLLECTION
11. ولفصل الشتاء قصه عنوانها احتاج لدفئك | كولكشن أجواء شتويه
12. WHAT R WE GOING 2 PROTECT? THE HUMANITY | تقرير عن ميكآسَآ & ليفآي
13. BE PROUD | مشروع فريق التصميم (رمزيات-تواقيع-اغلفة)

المواضيع المشتركة:
طبعا انا ماتوقعت ابدا اني وصل هالعدد من المواضيع المشتركة حتى قبل ما تطلع الفعالية
اكتشفت اني اجتماعية ومو اجتماعية مابعرف كيف طبعا مجموع عليها المواضيع
الادارية المشتركة

1. موضوع مميز - لا تستسلم أبداَ | رمزيات ثابتة + متحركة + اغلفة ملفات | انمي قاتل الشياطين
2. موضوع مميز - introducing the luxury Mazda 6 & BMW M6
3. تحميل جميع حلقات انمي Girly Air Force
4. Nelliel Tu Odelschwanck - AVATARS & SIGNATURES


ومفكرين اني وقفت لهون وبس؟ لا لسا . . اخدت اول وسام 3 مواضيع ادارية بشهرين
بأول شهرين بتسجيلي < طبعا يعود الفضل لهواية الفضول الي عندي وبحثي بأقسام المنتدى
ولا ماكنت عرفت بسالفة هالوسام ولما رجعت لمواضيعي اكتشفت اني مطبقة شروط هالوسام
و بعدها رحت لسكاي و حكيتلو شوف سويت اول تحدي وضليت جاكرو لحتى عطاني تحدي اصعب
وكان هالتحدي بيني و بينو كان 5 مواضيع ادارية بشهرين بدون ما اشترك مع حدا و كان هالتحدي
فعلا صعب بالنسبة الي لهل السبب تأخرت فيه سنة لانو القسم الي اخدت الختم فيه صعب ارجع اخد
ختم اداري تاني الا لتكون الفكرة فريدة < ومع هيك اخدتو رغم الصعاب الي واجهتني > لحتى سويت
تاني موضوع اداري بقسم الفوتوشوب ك تحدي الي اني بقدر اخد تاني ختم اداري بنفس القسم الي كان هالموضوع
The World is full of Magic ! | The Biggest Aesthetic Picture Collection +5000
وحزروا شو؟ مو بس اخدت الختم الاداري التاني لا وكمان هالموضوع اخد جائزة التونستار قسم الجرافيكس
بس بدكن الصراحة؟ فعلا تعبت اكبر تعب بهل الموضوع ! عنجد وصلت لمرحلة فيه مليت من كتر ماعبي
بهل القوالب جد ! لدرجة صرت قسم وقتي و احكي يلا استحملي سوي بس 5 قوالب وبتخلصي من هالفقرة !
القوالب شيبت راسي و الملفات على اد ما كان فيها صور عيوني وجعتني من كتر تنقاية الصورة المناسبة
اني حطها بالقوالب !! وفوق هاد مابعرف من وين طلعت بفكرة اني حطهم بنموذج يمكن من كترة
النماذج وماعاد عندي طاقة اني ارفعهم على المنتدى طلعتلي < على اد ماكنت تعبانة والله هههههههههههههههههههه
قلت خليني سوي فكرة جديدة يمكن تحول الموضوع ! وفعلا هاد الي صار لما شفت اول نتيجة للقالب
بالكواليس انصدمت و انبهرت و تعبي كلو راااح من بعد ما انبهرت بالنتيجة
< و الموضوع التالت لنفس السلسلة بالطريق كمان هاد تحدي جديد الي

طبعا انا كتير بحب فن ال Aesthetic بالتصميم بشكل فظيييع لدرجة سويت سلسلة مواضيع تحت هالعنوان
و لحد هلأ الموضوعين الي تابعين لهل السلسلة انختموا اداري . . اي شي بحبو ببدع فيه مشان هيك
مواضيع الادارية الي بختارها لازم كون بحب الموضوع نفسو مشان ابدع فيه ولا لو شو مابكملو
خاصتا موضوع التزلج الي شيب راسي وضل بالكواليس مايقارب سنة لو مابحب الموضوع كان
لهلأ ضل بالكواليس . . عاد تالت موضوع حيرانة شو رح تكون فكرتو عاد هاد لازم يكون اقوى
من هالموضوعين متخيلين الموضوع كيف رح يكون ؟

عاد حاليا رح اختفي فترة لأكتر من سبب طبعا رح سوي مهامي ك مشرفة فقط وشارك بفريق
الابداع . . حاليا عم اتعلم ع برنامج جديد وهو مختص بالفديوات و حابة كتير الموضوع بلكي
بدمج هالبرنامج بتصاميمي المستقبلية تاني شي بدي خصص وقت لموضوع التالت
من سلسلة Aesthetic و هالموضوع رح يكون جد متعب مارح احكي شو فكرتو هلأ
مشان ماخرب المفاجئةة بس رح يكون شي يعجبكم . .

لسا ماخلصت ترا . . رح احكيلكم عن ترتيبي من بين الاعضاء حسب احصائية المنتدى :

الأكثر تحقيقا للتفاعل : المرتبة 16
مع اني والله ماكنت متوقعة انو بسنة ادخل للستة الاوائل بالاحصائية لأني لما شفت عدد التفاعلات
عند الاعضاء غسلت ايدي من الموضوع

الأكثر نقاط: المرتبة 17
كمان هي كانت الصدمة عندي لأنو النقاط مابقدر اخدها الا على تفاعلي بفعاليات المنتدى
و المسابقات و الانجازات الخاصة بالعضوية و كنت دائما لما شوف فعالية حاول شارك
فيها صح انو النقاط كان قليلة مقارنة بصعوبة الفعالية بس هلأ حاسة انو النقاط فخر بالنسبة الي
لانو بسنة وصلت لهل العدد ؟ شي كتير حلو و بينت كمية التعب الي تعبتو لوصلت لهل المرتبة بفترة
قصيرة

بالنسبة للمشاركات بصراحة ماكتير بهتم لعدد المشاركات اي حدا بيقدر يروح للاستراحة و يزيدهم
بشهر واحد و من زمان وقفت اني اهتم بعدد المشاركات مشان هيك هي خلوها ع جنب

بحفل تون ستار اخدت وسام ملك المواضيع الادارية, ملك الردود, ملك المواضيع, الموضوع اكثر تألق بأقسام
الجرافيكس و التقنية, طاقم الاشراف . . هالتكريم كان بناءاَ على جهد العضو في سنة 2019

اخر شي ومابنسى مدونتي طبعا ماتوقعت ابدا اني اوصل لهل الختم اول ما شفتو كنت احلم انو اوصلو
بس لما شوف عدد الأختام كان هالحلم يبهت خاصتا كانت التدوينات صعب انها تنختم الا اذا كانت فعلا تستحق
الختم يعني بتقدروا تحكوا اول ايام تدويني كان فعلا صعب لانو لحتى فكر مجرد تفكير اني بدي تدوينة تنختم
هيك بدي فكر انو كل يومي رح يروح و انا برتب فيها و بالكتابة و بالصور فعلا كان جهد و طبعا حابة اني نوه انو
انمي تون اول منتدى شجعني على التدوين و هي اول مرة بعمري بكمل فيها بمدونتي لحد هلأ من افكار و كلام
يعني انا من نوعي مابعرف عبر بكتابة بس انمي تون شجعني اني بلش اكتب و ابداع

الي ناوية عليه هالسنة بإذن الله:

- اخد وسام ال 8 مواضيع ادارية ب 3 شهور
^ طبعا هالتحدي محتاج سنة مو 3 شهور هههههههههههههههههههه
- شارك بفريق الابداع 12 مرة بالدرجة الاولى
- اخد تالت ختم اداري بقسم الفوتوشوب

من بعد ما حكيت عن احصائياتي الشخصية رح احكيلكم عن بعض اعضاء انمي تون بأول معرفتي فيهم:

@Bella Manaka اول ما تعرفت عليكي اول ايامي بالمنتدى حسيتك كتير جدية و صدقا مابخبي
عليكي حسيتك مابتحبيني و بصراحة اول ايامي كنت كتير خاف اني احكي معك < تخيلي كنت خاف
متخيلة اديش انتي هيبةة بيلا و لحد هلأ وحياة الله هيبة و رح تضلي بنظري هيك
لحد ما كملت فترة منيحة بالمنتدى وبلشت اعرفك اكتر و اقرأ تدويناتك بصراحة اكتشفت فيكي بنت
كتير عفوية و كلامي هاد لانو مجاملة ولا شي انتي من الاعضاء الي صدموني من بعد ما تعرفت
عليهم من قرب عنجد انتي ينطبق عليكي المثل الي من الخارج شيء و من الداخل شيء مختلف
طبعا المثل قصدي فيه شي ايجابي عنجد بيلا انتي من الاعضاء المفضلين عندي لأنك مابتجاملي
و تعطي كل عضو حقه و الاهم لهجتك الي بتجنن

@JELLO انتي كمان من الاعضاء الي انصدمت منهم من بعد معرفتي الشخصية فيهم
اول ايامي كنت حسك كمان مابتطيقيني بس مع الايام حبيتك كتيييييييييير كمان صرتي
من اعضائي المفضلين لانك كتير عفوية و بتنحبي جد و حكياتك ما بينمل منهم ابدا
ردة فعلك و كلامك كتيير بحبو و كتير مرات نفسي روح احكي معك وبقول ببالي
مابدي ازعجها < ترا هالشي حتى بالواقع مو بس بالعالم الافتراضي ف لا تستغربي هالكلمة

@SKY NET كان من اول الاعضاء الي كلمتهم بصراحة سكاي افضل اداري شفته بكل
مسيرتي بعالم المنتديات ومانو مجاملة و السبب اني حكيت افضل لاني ماشفت اداري قريب
من الاعضاء كل هالقرب . . شخص مرح و سلس مو صعب انو الواحد يتعامل معه عكس
باقي الاداريين والاهم مابحب يكسر بخاطر حدا ابدا

@Tiny Bee مابنسى اجمل عضوة عرفتها لما كان نكك دافودل انتي اول
عضوة من الاعضاء الي اجت عندي ع الخاص تمدح مدونتي و تعرفنا على بعض
و صرنا صديقات من يومها اول صديقة الي بانمي تون كنتِ انتِ
و لحد هلأ محتفظة بالمحادثة كذكرة حلوة

@Milli انتي اكتر مشرفة ساعدتيني اول ايام اشرافي و شجعتيني
ولهلأ بتمنى اني ارجع مشرفة مشان نصير فريق مع بعض بنفس القسم
ولو انو نشاطك خف و بتمنى ترجعي نشيطة نفس قبل

@R E E M تقربت منك اكتر لما صارت فعالية تبديل الاسماء و صدفت انو
نكي يصير نكك و نكك يصير نكي بصراحة بشكر هالصدفة لأنها خلتني اتعرف عليكي
اكتر لولاها يمكن ماكنا رح نكون رفقات لهل الدرجة . . بنت خلوقة و سنعة
وربي بحبك من صمصومة قلبي لأنو قلبك ابيض و بينحب

اعضاء تعرفت عليهم بأول سنة 2020 :

@S u i c i d e ? & @M u r d e r ? : انتوا التنين شو احكيلكم ؟
وربي عندي كلام بقلبي كبيير طبعا هالكلام يشمله مريم انتوا التلاتة افضل 3
اعضاء تعرفت عليهم بكل حياتي و بشكر ربي انو عرفني عليكم انتوا مو اصدقائي
وبس لا صرتوا بمثابة اخواتي و صدقوني بدعيلكم دائما انو الله يسعدكم
لانو سعادتي حسيتها بلشت اول ما تعرفت عليكم صح يمكن مابحكي معكن كتير بس
الظاهر شي و القلب شي غلاوتكم عندي كبيرة و طبعا ما كان عندي انطباع اولي
الكم لأنكم كنتوا عفويين من اول ما عرفتكم و تدخلوا للقلب من اول محادثة
مشرفين مميزين و مبدعين و خلوقين الله يخليلي ياكن يارب

@Teddy Bear من اكتر الاعضاء الي بحب احكي معهم و عنجد مهدي من الاشخاص
العفويين ومابحبوا الرسميات شخص فكاهي ومبدع رغم قلة مواضيعه < بعرف
رح انضرب لاني سحبت على الموضوع المشترك > مهدي صديق و النعم فيه
و احلى شي فيك انك بعيد عن القيل و القال و انا بحب الشخص لما يكون شاري راحة
باله شخص رايق و الاهم لا حدى يقرب من اليسا لا يعطيه طراق

بصراحة مابقدر احكي عن كل الاعضاء بس كتبت عن اكتر اعضاء اثروا فيني

و في الختام هالتدوينة رح تكون بمثابة ذكرى حلوة و انجازاتي باول سنة الي بهل المنتدى الجميل
طبعا مارح يكون في تدوينة بالسنة الجاية نفس هيك . . هي حلاوتها بس بأول سنة

طبعا ما بخفي عليكم هاد اول منتدى بتفاعل فيه لهل الدرجة الكبيرة لدرجة اخد كل وقتي
و من بعد ما قراتوا هالتدوينة اكيد وصلتلكم اديش كنت خصص وقت لأنمي تون يعني تقريبا
كل اليوم وكنت مستمتعة بس اكيد لما يجي مستقبلي قدامه هون نقطة ستوب

حتى حاسة ماعاد في عندي طاقة اني كمل . . يمكن يجيني حماس اذا غبت فترة
ترا انا هيك فترة مابترك اللاب ثانية و فترة اللاب بصير عليه غبرة لأني مابستخدمو ابدا
ماعندي بالنص ابدا هههههههههههههههههههه

ف اذا انسحبت بيوم من الايام لا تستغربوا في اشياء احلى بالحياة انو الواحد يلتهي
فيها و اكيد رح تفرحولي اكتر من انكم تزعلوا لأني رح كون عم اهتم بحياتي الواقعية

و هيك بكون خلصت و ان شاء الله هالسنة تكون نفس القادمة ولو اني شاكة
دٌمتم بخير


​

 

[Selene]

مرحبا يا حلوين . . بعرف اني مقصرة بحق مدونتي و انتوا عارفين البير و غطاه
نفس الروتين قاعد بتكرر كل يوم و اكيد حاسين فيني و كتير نفسي

المهم مبارح رفيقي معكلي ادني مشان شد على موضوع تقديم الجامعة و انا بصراحة
مو اني مو متشجعة بس انتوا عارفين الوضع , كورونا و كل شي موقف و خاصا الدراسة
و لحد هلأ ماحولوا الدراسة اونلاين نفس الامارات . . ف مشان هيك ما استعجلت بموضوع
التقديم . .

المهم ما علينا . . مبارح دخلت على الجامعة الي حاطة عيني اني قدم عليها
بالنسبة الي يعني الجامعة كاملة متكاملة و سعر تخصصي مو غالي لأني هون عنا
قانون اللاجئين الدولة بتدفع النص و النص التاني انا بدفعو بعد ما اتخرج و بلش شغل
ف مشان هيك كنت عم دور على جامعات اسعارها معقولة و هالجامعة كتير حلوة

و هي هية الجامعة BA Interior Design - Berlin International

و اهم اهم شي فيها انو كل تخصصاتها بالانجليزي و هالشي رح يساعدني كتير
و خاصتا اني درست سنتين من تخصصي بالامارات و هالشي كمان رح يساعدني
اني انقل اوراقي الها لأنو الجامعتين بالانجليزي . . طبعا ما فكرت ابدا اني ادرس
الجامعة بالالماني لانو جد اللغة الالمانية نفس العربية كلما تعمقتوا كلما طلعلكم
اشياء جديدة و ماني حابة ضيع سنة ( هاد اذا كانت سنة وانا بعرف انها اكتر )
على دراسة لغة بس مشان اخد المستوى المطلوب و هاد اذا اخدتو بعرف انو الجامعة
شي و امتحان تقييم اللغة شي تاني تماما ف مشان هيك الحمد الله اني عندي
تقييم لغة الانجليزية و حتى لو ما اعترفوا فيه بسويه من اول و جديد يعني عندي
امل اني بلش دراسة السنة الجاية ان شاء الله . . دعواتكم بس .

و كمان هالتخصص مدتو 3 سنوات بس انا انصدمت طبعا اول ما شفتو فكرتو دبلوم اول شي
بس كاتبين باشلر !! و هالشي شجعني زيادة لانو بالامارات 4 سنوات و طبعا بالجامعة 3 سنوات
بدون ما نحسب السمستر الصيفي يعني لو شديت حالي بسمستر الصيف ممكن خلصها
بأقل من 3 سنوات و انتوا عارفين السنوات عم تمر بسرعة و هالشي كتير فيه جرعة تفاؤل

المهم و انا قاعدة لفلف بمتطلبات التقديم شفت شي اسمو Portfolio
طبعا بعرف انن طالبينو و انا شفتو من قبل و انن بدن 10 اعمال خاصة فيني
بس الي ماشفتو انن شو طالبين ضمن هالأعمال الي شلني عنجد

طالبين مو بس تصوير للرسم تبعي . . < هاد الي كنت مفكرتو بس
طلع لا طالبين بشكل ادق و زيادة عليهم مع تعليق تحت كل عمل انو كيف عملتو
و الخطوات و هيك - طبعا التقديم مبني اذا انا عندي من هالاعمال مو ضروري كلها
تكون موجودة و هالشي كمان يعتبر نقطة الي لأني مو بس رسامة لا و عندي هوايات
تانية تابعة لتخصصي ماتوقعت انها تكون تابعة بالاساس :

Sketches and drawings - Photographic works - Graphics and illustrations, including flyers, posters, brochures etc
- Collages, paintings, prints and other artistic work - Animations, videos, websites and other screen - based work can
be handed in as web links. Make sure to additionally add screen shots of the work. - Technical drawings - Models
sculptures and other three dimensional work can be presented on photos - Any other creative work that relates to your study interest

^ ماتوقعت انو يكون الفديو و المونتاج جزء من متطلبات هندسة الديكور وعندي كتير هواية مونتاج الفديوات
و خاصتا انو هلأ قاعدة اتدرب على برنامج فديوات اجا بوقتو والله . . و قبل سويت تصميمين لموقع خاص فيني
فيه تصاميمي بس للأسف بطلوا يفتحوا وماعرفت ليه . . هو ع التمبلر . . و مبارح قررت اني سوي تصميم جديد
صح اني ناسية المقاسات و مبارح قضيتها كل الوقت وانا عم جرب بالصورة لشوف المقاس المناسب لحتى لقيتو
و كمان عم نزل برنامج الكلك مشان سوي واجهة الموقع تكون حلوة و انيقة و الاهم تكون بالخط العربي مشان يكون
شي يليق ولو شوي بتقديم الجامعة

رح بلش اشتغل بموضوع البورتفوليو هاد و ان شاء الله خلصو بفترة قصيرة مشان قدم عليها بسرعة
طلبت ادوات رسم بدائية نوعا ما على الي بقدر عليه هلأ قلت خلي الاداوات الاحترافية لوقت صير بالجامعة
و طلبتن الوان مائية مع اني انا متعودة على اكرلك بس لانو المائية ارخص منهم عاد ان شاء الله ما جيب
العيد فيهم و خاصتا انو الاكرلك اصعب من المائية لأنهم اسمك ف مشان هيك تشجعت وطلبتهم .

هلأ ماسكة اكتر من موضوع . . اني منتج فديو يكون نوعا ما احترافي بما انهم مابيقبلوا الاعمال الاحترافية
و هالشي حلو مشان ما اضغط حالي بأني اتعلم تقنيات صعبة بالبرنامج . . و اني سوي تصميم لموقع
و اني ارجع للرسم و عندي رسمة غير مكتملة بالبن تول سويتها من زمان انا خططتها و كل شي بس
باقي اني طبق الألوان و التظليل الخ

و مابنسى انو كل التصاميم الي انعرضت بأنمي تون حافظة البسد تبعها و رح حاول انتقي اجملها مع شوية
تعديلات و كمان رح سوي تصاميم جديد خاصة للتقديم

انتوا متخيلين كمية الشغل الي علي ؟ بس محتاجة دعواتكم انو الامور تتيسر و ما لاقي صعوبات

ف هالفترة جد تواجدي بالمنتدى رح يقل رح يكون فيزيائياَ فقط بس مهامي ك مشرفة اكيد مارح
قصر فيها

دٌمتم بخير
​

 

[Selene]

مرحبا يا حلوين . . اليوم كان يوم مميز فعلا و كتير كتير كنت فرحانة فيه
و رح تفكروا انو نفس اي يوم ممكن انو يصداف لأي شخص و يفرح فيه بس انا
قصدي مختلف تماما . .

اليوم و لأول مرة طلعنا طلعة عائلية بعد فراق دام 5 سنوات طبعا انا سكنت بالامارات
4 سنوات بدون امي و اخي و اليوم كان اول مشوار فعلي يجمعنا كلنا ف جد جد ما تتخيلوا
اديش انا فرحانة و حاسة اني مميزة بهل اليوم نفس اي بنت بتحب تعيد مع اهلها و تطلع
معهم و الله لا يحرم حدا هاللمة يارب لأني جد لاني كنت فاقدة هالشي ف حاسة بمرارة الشيء

و لأول مرة بستمتع بأول تجمع عائلي ولو اني كنت مترددة اول شي اني اطلع معهم
لأني جد بكره التجمعات العائلية لأسباب خاصة . . بس قلت يلا عيد خليني شارك معهم
و فعلا جهزت حالي على اخر طرز لأنو بتعرفوا كنت بالبيت لفترة طوييلة الله وكيلكم درج الميكب
صار عليه غبرة لقلة الاستخدام مع اني قبل كنت مدمة ميكب كل يوم بلوك جديد و كل يوم بشتري
باليت جديد بس كل هالشي خف بسبب الكورونا و الطلعات كلها خفت . . ف لما اجت الطلعة انا
تحمست زيادة و فعلا رتبت حالي و شعري كان اليوم اول يوم بعملوا كيرلي و خاصتا ان شعري قصير
ف هالشي كتييير غير نفسيتي اني سويت شي جديد و الاهم انو طلع شي حلو الحمد الله
و الميكب ندمت اني ثقلته اول ما ينحط ياخي الواحد ما بحس فيه اما شو ؟ الواحد بحس فيه بآخر
المشوار لما العين تبدا تتعب و خاصتا اني انا من هواة تركيب الرموش و عندي كذا مجموعة
بدرجي بحب جمعهم و غير فيهم لانهم صدقا بغيروا الشكل 360 درجة . . لدرجة مرات مابتخيل
شكلي بدونهم < لا تعليق > المهم و اخي اجا من ميونخ خص نص مشان العيد ولو انو
هو المفروض ما يجي لأن مقاطعة ميونخ اكتر مقاطعة تضررت بحالات الكورونا ف قال مارح يجي
مشان ما يعدي حدا في حال كان لا سمح الله فيه شي بس كلنا تفاجئنا لما قال رح يجي طبعا
نحن منحب اخي كتيييييييييير لسببين اول واحد انو هو صديق قبل ما يكون اخ تاني سبب
انو انا و اخواتي انحرمنا منو 5 سنوات ف هالشي كان سبب يخلينا سعيدين ف كيف بالباقي؟

المهم و كان حاسب حسابو انو رح يطلعنا بالعيد و جاب سيارة كبيرة مشان نطلع كلنا فيها
بالعادة بجيب سيارات صغيرة يعني لتقضاية الحاجة مو اكتر و اساسا السيارات الكبيرة بألمانيا
مانها عملية بسبب قلة الباركنات و صغرها . . المهم و لما طلعنا اول شي رحنا على محل سويت
قال عم يمدحوا فيه هنيك بزاربروكن و فعلا رحنا و كان شي خراااافي طبعا انا انصدمت انو الاجراءات
كتير كتير خفت حتى دخلنا المحل بدون كمامة قالولنا مو ضروري نلبسها قلت الحمد الله الموضوع
بدا يرجع طبيعي . . ف انا و اخي طلبنا ايس رولز انا بالاوريو و هو بالفواكه و اختي الصغيرة طلبت
ميني بانكيك و اختي الكبيرة و ماما طلبوا بوظة عربية و كان الطعم 100000% بجنننننننن
طبعا ب المانيا نادر ما نلاقي محل اكلو طيب يعني بعطيكم ياها من الاخر المانيا من ناحية خدمات
المطاعم و الاكل 0 على الشمال يعني مو نفس الامارات مثلا بتلاقوا مطاعم بيبدعوا بمعنى
الكلمة . . المهم بعد ما خلصنا على اساس انو نروح على دولة جمب زاربروكن هي دولة
صغيرة كتير اسمها لوكسمبورغ و انا قبل سمعت عنها كتير و قلت كيف في هيك دولة والها علم كمان ؟
لا و الاحلى لما ندخل عليها بيبعتولنا مسج على الموبايل انو نحن دخلنا حدودها يعني هي دولة 100%
و انصدمت بكمية الطبيعةة الخلابةة فيها شي وربي لا يوصف من كتر جماااله !! بدكن الصراحة انا
انصدمت من كمية جمال طبيعتها مع اني انا هالاشياء ما بتجذبني بس جد المنظر كان بيحبس الانفاس

جنة جنة جنة كلمة جنة قليلة فيها نهر طويل و عريض جاي بين سهول خضراء
شاسعةة و فيها بيوت صغيرة طلعنا على جبل لفوووق و اشجار العنب على مد عينك و الشوف
طبعا بيزرعوا عنب مشان النبيذ و عندهم مزارع كتيييييييييييييييرةةة و طبعا صورت هالشي
بالفديو رح اعرضو بآخر التدوينةة و بالفديو كل الحقول الي عم نمشي فيها هي حقول
عنب بس . . و الأحلى انو الهوا عنجد عنجد ريحتو غيير
يعني لو الواحد كان مكتوم و متضايق و متوتر بمجرد انو يتنفس الهوا بس بخلي نفسيتو فووووق
و كان الجو ولا اروع بارد نوعا ما و هوا خفيف غيوم و شمس بنفس الوقت شي خيال خيال خيال
و خضار ويين ما رحت بعدها اختي كانت بتعرف صديق ساكن بهل المنطقة اجا
و استقبلنا و رحنا على مطعم الماني طبعا كانت هي اول مرة بدخل مطعم الماني لأني
انا ابدا مو من هواة اكل الالمان لأن اغلب اكلهم يا انو خنزير او مطبوخ بالنبيذ و التنين
يعني ما باكلهم و لما دخلنا الكل صار يتطلع علينا مبين علينا سياح الله و كيلكم
و الي صدمني اكتر انو الويترس بتحكي فرنسي و بعدين اكتشفت انو لوكسمبورغ بيحكوا
3 لغات رسمية الفرنسية و الانجليزية و الالمانية و هالشي الي حبيتو كتير ماعندهم
هالتشدد بلغتهم بتلاقيهم بيحكوا معك انجليزي بمجرد انك مافهمت . .

المهم بعد ما فتحت المنيو والله ما بمزح معكم شي 6 صفحات من المنيو بس مشروب
و الي بجيب الجلطة اكتر انو كلو واين يعني في اكتر من نوع و انا تطلعت حكيت خيييبة
ماعندهم سالفة والله و بتعرفوا شو ؟ انو منيو الاكل كانت صفحة وحدة بس و اغلبها
ما بيتاكل ف قمت طلبت انا و ماما همبرجر بس طلعت شي فاخر من الاخر لذيييذة
و اللحمة نفسها سميييكة حتى ستغربت كيف استوت من جوا رغم سماكتها

بعد ما خلصنا اكل رحنا ع البيت و نحن راجعين بلشنا نغني و نرقص و نجن بالسيارة
كان فعلا احلى عيد بكل حياتي اولا لانو كان مع عيلتي و تانيا لانو كنت مخنوقة اخر فترة
لاني ما عم بطلع ولا عم شم هوا و هالطلعة حسنت من نفسيتي كتييييييير

و حابة بشركم بخبر كتيير حلو عنا . . انو الاوضاع كتير تحسنت رغم انو لسا
في كورونا وما خلصنا منو و مع هيك كل البارات كانت مفتوحة و عليها زحمممةة
و ناس و محدا لابس كمامة و المطعم كمان بس لازم نلبس كمامة لما نمشي يعني
هالشي معقول المطاعم كلها فتحت و محلات التسوق كلها ماعدا المقاهي
الي بضيفوا فيها الارجيلةة . . بس كل شي انفتح و هالشي كتييير فرحني
و زيدكم من الشعر بيت انو مقاطعة كوتبوس الي قريبة من برلين اعلنوا فيها
انو مافيها ولا حالة كورونا من 24 ساعة و هالخبر من اسبوع و عم استنى الجم
ليفتح بفارغ الصبر لأرجع للتمرين اشتقتلو كتير والله عم يحكوا انو الجمات
رح تفتح باول شهر 6 عاد ادعوا معي انو تفتح بهل التاريخ . .

و هيك بكون خلصت تدوينتي لليوم الي كان اكتر من رائع
اترككم مع الفديو و مع رحلتي و متعوا انظاركم بالمناظر البديعة
و سبحان الخالق

دٌمتم بسعادة
​

 

[Selene]

- 4.6.2020 -

مرحبا يا حلوين رجعتلكم مرة اخرى
سوو بما اني هالاسبوع فعليا رحت برلين حابة شارككم تجربتي
الفظيعة هنيك و خاصتا انو جامعتي رح تكون فيها و انا هيك < wtf is goin on
مدييينة غريبة جدا جدا يعني والله احساس غريب اجاني لما رحتلها . . حسيتها الشام رقم 2
طبعا انا مابقدر اني اعرضلكم فديوات مع اني صورت لايف على حسابي بالانستا و خايفة يكون طالع
جزء مني لاني صورت بعفوية ف للأسف مارح اقدر اعرضلكم جمال و كبر هالمدينة بس للأسف
ماحبيتها كتير يعني هي حلوة و مو حلوة مابعرف كيف حسيتها نفس دبي بس اكبر ب 10 مرات
بحس الواحد حالو انو هو نقطة صغيييرة بهل المدينة الضخمةة لا لا عنجد الحكي مو متل الشوف !!

رحت على شارع اسمو شارع العرب من اسم الشارع طبعا هالشارع ع اساس انو مشهور ببرلين
وياريت لو مارحتلو مو اني انا بكره العرب بس ياخي مابعرف كان اوووووفر يعني ماحبيتو بنوب
حتى الواحد مابيرتاح و هو بيمشمي و الناس فوق بعضا و الي فرطني ضحك فعليا . . الرصيف الي قاعدين
نمشي عليه عيني ها عيني اكبر منو لا و فاتحين كافيهات و شيش على نفس الرصيف و قعدات برا و الناس
رايحة جاية ع نفس الرصيف و الي بيصدم انو الشيش على نفس الرصيف يعني تخيلوا لو حدا ماشي بسرعة
قام و لكش الشيشة بالخطأ حسيت حالي بالهند مدري بالشام كل شي كان فوق بعضو
لدرجة حسيت فيني توحد وربي من كتر ما كنت مزعوجة من هالمناظر و كيف الناس فوق بعضا و زحمة

بعد ما تمشينا شوي بالشارع و تغدينا هنيك رحنا على اكتر منطقة مشهورة ببرلين على اساس انها
the most luxurious place اسمو الكساندر بلاتز لما رحنا لهنيك فعليا الواحد بيرتاح اغلبو اجانب
وكان في وحدة عم تغني بنص الساحة و صوتا حلو لدرجة فكرتن حاطين غنية على الراديو

اكتر شي حبيتو ببرلين انو هنيك البسكليتات اكتر من السيارات هههههههههههههههههه
و عندن خط سير نفس السيارات خاص فيهن والله حبيت هالشغلة و حبيت كمان القطارات
عندن قطارات نفس اللعبة طبعا كميات هائلة من القطارات قطار رايح قطار جاي

بصراحة من بعد ما شفتا وشفت جوا مدري حسيت اني مترددة اني انقل لهنيك . . ياخي والله
حاسة هالمدينة كبيرة كتير علي . . بحس رح كون مبسوطة بمدينة متوسطة و هادية شوي
حاسة اني طلعت من جو دبي و الزحمة لدرجة كتير انزعجت من زحمة برلين و كنت متوترة
ف مابعرف كيف يعني كنت مبسوطة و مزعوجة مبسوطة اني تحقق حلمي و شفتا اخيرا
و مزعوجة لانها مو جوي بنوب مدري كيف

ان شاء الله بالايام الجاية بروحلها كمان مرة بس هالمرة رح تكون على معالم السياحية
الي فيها و ان شاء الله رح يكون في صور

هالتدوينة رح تكون بس كتابية و اكيد بالايام الجاية رح دلعكم و وثق بتدويناتي شوي صور
دمتم بخير
​

 

[Selene]

نتائج التحدي السابق هنا

تحدي العجز لشهر 6 :
هالمرة رح حط تحدي على كل الشهر لانو الاسبوعي ماعم يوفي معي

بالتون :

1. ادخل تكريم الدرجة الأولى بفريق الابداع و تكريم متميزين انمي تون
2. شارك بموضوع اكمل التصميم 3 مرات
3. كون متميزة بفريق الكرييتيف تيم
4. سوي موضوع مشترك
5. سوي 3 مواضيع فردية على الاقل
6. رد 10 ردود على الاقل
7. تابع الاقسام المسؤولة عنها هالشهر
8. شارك بموضوع موسوعة صور الانمي
9. نزل تدوينة عن اللغة الألمانية



خارج التون :

1. سوي فديو عن اغنية
2. كمل ترتيب الانستا
3. كمل تدريب على برنامج البريمير
4. اقعد بحديقة البيت
5. اشتغل على بورتفوليو الخاص بالجامعة
6. حافظ على غرفتي مرتبة
​

 

[Selene]

الضغط النفسي لا تظهر أعراضه سريعًا ، فقد تجد شخصًا يعاني من الضغط
ومع ذلك يمارس حياته الاجتماعية والعملية بشكل طبيعي ، يلتقط الصور ، يكتب
منشورات ساخرة ، ويسخر من الحزن والكأبة وحين تشعر باليأس قد يكون
أول من يحفزك ويدفعك للأمام.

وفي لحظة ينفجر هذا الضغط فـ يميل أكثر للعزلة ، يمارس طقوس حزنه سرًا
لا يتحدث كثيرًا مع الناس ، وتصبح كل أهدافه في الحياة أن تنتهي هذه الألآم .
الضغط النفسي ينفجر في اللحظة التي يقرر المرء مواجهة نفسه .
​

 

[Selene]

-






لكنك لا تفهم معنى أن يختارك أحدهم، وهو يقاوم خوفه من تكرار الخيبات .
و وضع كل هذه الخيبات و الحزن جانباَ و غاصَ في اعماقك, معانِ قوية
مليئة بالثقة لشخص ذاق المر بحياته . . لشخص تحطمت ثقته بمن حوله
و بالأخص احباءه . . ! وضع كامل ثقته بهم و خٌذل منهم . . !

فما بالك لو ان الشخص نفسه وثق بك . . ؟ هل يمكن انه يخدعك . . ؟
فقط لأن الموضوعُ ليس منطقياَ . . ؟ شخصِ خّذل و عاد وثق بك رغم جميع خيباته . . ؟!

- اجل يمكن هذا . . من فرط الحُب . . انت في نعمة لا تُدركه . .
احتفظ في هذه النعمة . . فمثل هؤلاء الاشخاص نادرون . . !

يحبون من قلوبهم رغم خيباتهم . . ! يقدمون كل ما يملكون
من اجل راحة احبابهم رغم انهم مهمشون من الداخل . .

ولكنك رغم هذا لم تفهم بعد كُل هذا للأسف . . !
لم تفهم معنى أن يختارك أحدهم، وهو - يقاوم - خوفه من تكرار الخيبات.
لو كنت تعرف فقط . . لكنت حافظت عليه . .

لو كنت تعرف . .
لو كنت تعرف . .

#قلمي
​

 

[Selene]

-

​

 

[Selene]

-


سؤال فعالية الأسبوع

كيف ستقضي وقتك إذا انقطعت الكهرباء لمُدة ٢٤ ساعة؟

ولا مرة انقطعت الكهربا عنا ف الجواب رح يكون من خيالي
رح قضيها نوم لان النوم بمرر وقت كتير او اني اطلع برا
البيت العب رياضاتي المفضلة . . اسبح او اركض ع البحر او روح ع الجم
او اتزلج , هالرياضات ما بتطلب مني نت بس جهاز بسيط فيه اغاني

بس بشكل عام ولا مرة انقطعت يوم كامل بس مرة بتصدف انو اخي
يكون عندو اجتماع و منسكر كل الاجهزة مشان يكون النت قوي
بس هالشي كم ساعة

سؤال فعالية الشهر

إن لم تكن مضطرًا للعمل أو الدراسة، ماذا كنت ستفعل في حياتك؟

والله سؤال حلو . . عن نفسي كنت ركزت على رياضة التزلج اكتر
و على جسمي و كنتي شفتيني كل اليوم ع البحر اتشمس او اركض
او اسبح . . و روح عالجم و قضيها حفلات ع البحر و رقص نفس
افلام اللاتينيية و مو مفكرة للسفر ع مكان بس اثبت بمكان واحد
و عيش حياتي الطبيعية فيه . .
​